शहीद स्मारक ‘ए’ डिभिजन लिगः फ्रेन्डस र जावलाखेलको पहिलो जित, आर्मी तेश्रो स्थानमा उक्लियो 

१६ मंसिर, हेटौँडा । शहीद स्मारक ‘ए’ डिभिजन लिग फुटबल प्रतियोगिता अन्तर्गत आइतबार भएका तीन खेलमा फ्रेन्ड, जावलाखेल र आर्मी विजयी भएका छन् । 
आइतबारको खेलमा जित निकाल्दै फ्रेन्डस र जावलाखेलले प्रतियोगितामा पहिलो जित आत्मासात गरेका छन् । आइतबारको खेलमा मच्छिन्द्र क्लबलाई ३–० ले पराजित गर्दै फ्रेन्ड्सले पहिलो जित निकालेको हो । 
एन्फा कम्प्लेक्समा सातदोबाटोमा भएको खेलमा फ्रेन्ड्सलाई जित दिलाउन फोफाना ब्राहिमान, संजोक महर्जन र अनिल महर्जनले एक–एक गोल गरे । जितसँगै फ्रेन्ड्सले ४ अंक जोडेको छ । चार खेलपछि फ्रेन्ड्सले पहिलो जित निकालेको हो । यसअघि फ्रेन्ड्सले ४ खेलमा ३ हार र एक बराबरी खेलेको थियो । 
लिगमा मच्छिन्द्रको यो तेस्रो हार हो । मच्छिन्द्रले पाँच खेलमा २ अंकमात्र जोडेको छ । मच्छिन्द्रले अघिल्ला ४ खेलमा २ हार र २ मा बराबरीको नतिजा निकालेको थियो ।
यस्तौ आइतबारकै अर्को खेलमा ब्रिगेड ब्वाइजलाई १–०ले हराउँदै जावलाखेलले पनि पहिलो जित निकालेको छ । ब्रिगेड ब्वाइज विरुद्धको खेलमा निर्धारित समयको २ मिनेट बाँकी हुँदा अरुज सिंहले पेनाल्टीमा गोल गरेपछि जावलाखेल विजयी भएको हो । 
यो जावलाखेलले ५ खेलमा १ जित, १ बराबर र ३ हारसँगै ४ अंक जोडेको छ । ब्रिगेड ब्वाइज भने ५ खेलमा १ जित र ४ हारसँगै ३ अंक जोड्दै १३ औं स्थानमा छ । 
यसैगरी आइतबारको तेश्रो खेलमा कप्तान भरत खवासले उत्कृष्ट प्रदर्शनसँगै दुई गोल गरेपछि त्रिभुवन आर्मी क्लब हिमालयन शेर्पा क्लब विरुद्ध २–१ ले विजयी भएको छ । यो जितसँगै आर्मी अंक तालिकाको दोस्रो स्थानमा उक्लिएको छ भने आफनो अपराजित यात्रालार्य कायमै राखेको छ । 
आर्मीको ५ खेलमा ४ जित र १ बराबरीसँगै १३ अंक भएको छ । शेर्पा भने लिगमा पहिलो हार बेहोरेपछि ५ खेलमा १० अंकमा सिमित भएको छ ।