क्रोएसियाका मोड्रिचले जिते बालोन डि’ओर २०१८ 

१८ मंसिर, हेटौँडा । क्रोएसियाका कप्तान एवं रियल म्याड्रिडका मिडफिल्डर लुका मोड्रीचले सन् २०१८ को बालोन डि’ओर उपाधि जितेका छन् । पेरिसमा भएको कार्यक्रममा दावेदारको रुपमा हेरिएका मोड्रिचले करिअरमा पहिलोपटक यो उपाधि जिेतका हुन् ।
मोड्रीचले विश्वकपमा क्रोएसियाला फाइनलसम्म पु¥याउन प्रभावशाली प्रदर्शन गरेका थिए । फ्रान्ससँग फाइनलमा पराजित भएपनि उनी प्रतियोगिताको उत्कृष्ट खेलाडी घोषित भएका थिए । रियललाई लगातार तेस्रो च्याम्पियन्स लिग उपाधि दिलाउने क्रममा पनि मोड्रीचको प्रदर्शन निकै महत्वपूर्ण रहेको थियो । 
ल्गातार दश वर्ष देखी आधिपत्य जमाउँदै आएका पोर्चुगलका क्रिस्टियानो रोनाल्डो र अजेन्टिनाका लिओनेल मेसीलाई पन्छाउँदै मोड्रिचले उपाधि जितका हुन् । यस अघि रोनाल्डा र मेसीले बालोन डि’ओर समान ५–५ पटक जितेका थिए । 
एपाधिका लागी युभेन्टसका क्रिस्टियानो रोनाल्डो दोस्रो स्थानमा रहँदा एट्लेटिको म्याड्रिड फरवार्ड एन्टोइन ग्रिजमन तेस्रो स्थानमा रहे । पेरिस सेन्ट जर्मनका युवा स्टार किलियन एमबाप्पेले चौथो स्थान हासिल गरे । 
उत्कृष्ट युवा खेलाडीलाई प्रदान गरिएको कोपा ट्रफी भने फ्रान्सका एमबाप्पेले हात पारेका छन् ।
बार्सिलोना कप्तान लिओनेल मेसी पाँचौ स्थानमा रहँदा मोहमद सलाहले छैटौं स्थान प्राप्त गरे । सातौंमा राफेल भाराने र आठौंमा इडेन हाजार्ड रहे । केभिन डि ब्रुएन नवौं र ह्यारी केनले दशौं स्थान हासिल गरे भने ब्राजिलका चर्चित स्टाइकर नेयमार शीर्ष दशमा पर्न सकेन उनी १२ औं स्थानमा रहे ।  (एजेन्सी)