नेमार सबैभन्दा महङ्गा खेलाडी, मेस्सी तेस्रोमा, रोनाल्डो १० भित्र परेनन्

२१ पुस, हेटौँडा। फुटबल खेल औधि रुचाइने खेलमध्यकै एक हो ।  यस खेलले हरेक बर्ष नयाँ खेलाडिहरु जन्माउने गर्दछ ।

प्रत्येक ४ बर्षमा आयोजना हुने विश्वकप होस या देश स्तरिय हुने लिग होस । सबै प्रतियोगिताले बुढा देखि युवा सबैको मन जितेको पाईन्छ । व्यावसायिक फुटबलका विभिन्न प्रतियोगिताबारे विश्वभर चर्चा हुने गरेको पाईन्छ भने त्यस प्रतियोगितामा व्यावसायिक फुटबल खेल्ने फुटबलरको झनै चर्चा हुने गर्दछ। फुटबलरको खेल देखेर क्लबका मालिकहरु खेलाडिलाई क्लबमा भित्राउन  महङ्गो रकम समेत बुझाउन पछि पर्दैनन् । प्रत्येक बर्ष व्यावसायिक फुटबल खैल्ने फुटबलरको दर रेटमा उत्तार चढाव भईरहन्छ। 
 यसै क्रममा फुटबल बेन्चमार्क डटकमले अडिटर्स कम्पनी केपीएमजीसँगको सहकार्यमा हालै गरेको अध्ययनले लियोनेल मेस्सी, रोनाल्डोलाई पछि पार्दै ब्राजिलियन स्टार नेमार संसारकै महंगा खेलाडी बनेका छन । अडिटर्स कम्पनी केपीएमजीसँगको सहकार्यमा गरिएको अध्ययनले यसो देखाएको बताइएको छ । यस अध्ययनले नेमारलाई सर्वा्धिक मूल्यबान खेलाडीको पहिलो सूचीमा राखेको हो । नेमारको मूल्य २०६.५ मिलियन पाउण्ड रहेको छ । त्यसैगरी फ्रान्सका युवा स्टार केलियन एमबाप्पे १९३.१ मिलियन पाउण्ड सहित दोस्रो स्थानमा रहेका छन् । भने तेस्रो स्थानमा १८३.२ मिलियन पाउण्ड सहित  अर्जे्न्टिनी सुपरस्टार लियोनल मेस्सी रहेका छन् । त्यसैगरी पोर्चुगिज सुपरस्टार क्रिस्टियानो रोनाल्डो भने शीर्ष १० मा अटाएका छैनन् । १२ औं स्थानमा रहेका रोनाल्डोको मूल्य ९६.४ मिलियन पाउण्ड मात्र रहेको छ ।
त्यसैगरी महंगा खेलाडीको शीर्ष १० मा इङ्लिश प्रिमियर लिग खेल्ने खेलाडीको बाहूल्यता रहेको छ । चौथो महङ्गो खेलाडिमा  १५१.६ मिलियन पाउण्डसहित लिभरपुलका मोहमद सलाहे रहेका छन भने १३६.१ मिलियन पाउण्डसहित टोट्टनहामका कप्तान ह्यारी केन पाँचौ स्थानमा रहेका छन ।   १४८.२ मिलयन पाउण्ड सहित इडेन हाजार्ड छैटौं र १२९ं.४ मिलियन पाउण्ड सहित केभिन डे ब्रुएन सातौं स्थानमा छन् भने शीर्ष १० मा रहने अन्य खेलाडीमा पाउल पोग्वा, एन्टोनी ग्रीजम्यान र फिलिपे काउटिन्हो रहेका छन् ।