धार्मिक विश्वासमा द्वन्द निम्त्याए आक्रमण हुनेः कमल थापा

७ माघ, हेटौँडा । राष्ट्रिय प्रजातन्त्र पार्टीका अध्यक्ष कमल थापाले नेपालमा धार्मिक विश्वासमा द्धन्द्ध निम्त्याउन खोजे आक्रमण हुने चेतावनी दिएका छन ।

राष्ट्रिय प्रजातन्त्र पार्टी मकवानपुरको आयोजनामा सोमबार हेटौँडामा हिन्दु राष्ट्र पुनरस्थापना जनजागरण अभियान तथा घरदैलो कार्यक्रम अघि आयोजित पत्रकार सम्मेलन कार्यक्रममा केही दिन अघि आदिवासी जनजाती नेता आङकाजी शेर्पाले दिएको अभिव्यक्ती प्रती कटाक्छय गर्दै यसो बताएका हुन। अध्यक्ष थापाले नेपालमा ९४ प्रतिशत जनता हिन्दु भएको बताउदै उनिहरुको धार्मिक विश्वासमा द्धन्द्ध निम्त्याउन खोजे आक्रमण हुने चेतावनी समेत दिएका हुन ।पत्रकार सम्मेलनमा उनले नेपाली कांग्रेसले हिन्दु राष्ट्र र संबैधानिक राजसंस्था लाई बिर्सेर अहिले कम्युनिष्टको एजेण्डा बोकेर सत्ताको पछि लागेको आरोप लगाएका छन ।

उनले वाईडबडि बिमान खरिद भष्ट्राचार प्रकरणमा सबै ठुला पार्टिको संलग्नता रहेको आरोप लगाउदै शंकास्पद व्यक्तिहरुको बैंक खाता रोक्मा गर्नुपर्ने पनि माग समेत गरेका छन ।उनले कार्यक्रम मार्फत सबै धर्मलाई समान महत्व दिन रनेपाललाई हिन्दु राष्ट्र बनाउनु माग गर्दै जनतामा जागरुकता उत्पन्न गर्ने उद्वश्यले राप्रपाले सोमबार र भोली मंथलबार देशैभर घरदैलो कार्यक्रम गर्न लागेको समेत बताएका छन । 

पत्रकार सम्मेलन पछि हेटौँडा नगरको विभिन्न स्थानमा भएको घर दैलो कार्यक्रममा, राप्रपाका सहमहामन्त्रि राजाराम बर्तौला, राप्रपा केन्द्रिय सदस्य दिपक सिंह जिल्ला अध्यक्ष मधु अधिकारी लगायत नेता कार्यकर्ताको सहभागिता रहेको थियो । घरदैलो कार्यक्रम मंगलबार पनि जारी रहने राप्रपा मकवानपुरले जनाएको छ ।