तक्वान्दोमा नामटार डोजाङ प्रथम

फाईल फोटो

   
२६ माघ, हेटौँडा ।मकवानपुर तेक्वान्दो संघ तथा मकवानपुर डोजाङको आयोजनामा भएको १४ औं जिल्ला स्तरीय तक्वान्दो प्रतियोगितामा नामटार डोजाङ प्रथम भएको छ । शुक्रबारदेखि भएको प्रतियोगितामा ३ स्वर्ण र ५ रजत पदक सहित नामटार डोजाङ प्रथम भएको हो भने हटिया डोजाङ द्धितिय भएको छ ।

हटिया डोजाङले ३ स्वर्ण र २ रजत पदक प्राप्त गरेको छ । नामटारको तर्फबाट २८ देखि ३२ केजी तौल समुहमा रचना भोलन, ३२ देखि ३६ केजी तौलमा रश्मि मोक्तान र ३२ देखि ३६ केजी तौल समुहमा सुवास मेगीले स्वर्ण पदक जितेकाछन् । यसैगरी हटिया डोजाङको तर्फबाट २८–३२ केजी तर्फ रोज श्रेष्ठ, ४०–४५ केजी तर्फ अभिषेक माझी र ४०–४५ केजी महिलामा निकिता राई प्रथम भईन् । प्रतियोगिताको प्रथम र द्धितिय डोजाङलाई शिल्ड र मेडल प्रदान गरिएको छ । उनिहरुलाई जिल्ला खेलकुद विकास समितिका अध्यक्ष माधब तिमल्सिना, मकवानपुर तेक्वान्दो संघका कार्यवाहक अध्यक्ष लालकाजी बज्राचार्य, ४ नम्बर वडा अध्यक्ष नबिन सिग्देल, प्रतियोगिता संयोजक निरुकुमारी मगरले संयुक्त शिल्ड प्रदान गर्नुभयो ।  प्रतियोगितामा महिला, पुरुष र पुरुष जुनियर गरी १४ वटा तौल समुहमा प्रतिष्पर्धा गराईएको थियो ।