भेरी–बबई सुरुङमार्गको ब्रेक थ्रु

३ बैशाख, हेटौँडा । राष्ट्रिय गौरवको भेरी–बबई डाइभर्सन बहुउद्देश्यीय आयोजनाको सुरुङमार्गको ‘ब्रेक थ्रु गरिएको छ । प्रधानमन्त्री केपी शर्मा ओलीले मंगलबार एक समारोहका बिच स्वीच थिचेर सुरुङमार्ग निर्माण कार्य सम्पन्न भएको औपचारिक घोषणा गरे । 
चाइना ओभरसिज इन्जिनियरिङ ग्रुप कम्पनी (कोभेक) ले सम्झौतामा उल्लेखित अवधिभन्दा एक वर्षअघि सुरुङ निर्माणको काम सम्पन्न गरेको छ  । 
प्रधानमन्त्री ओलीले नेपालमै पहिलोपटक टीबीएमबाट भएको सुरुङमार्गले भेरी बबईलाई नमुना आयोजनाको रूपमा अघि बढाउने बताए । 
भेरीको पानी बबईमा मिसाएर बाँके तथा बर्दियाको ५१ हजार हेक्टर जमिन सिँचाइ गर्ने र ४८ मेगावाट विद्युत् निकाल्ने आयोजनाको लक्ष्य रहेको छ । 
उक्त आयोजनाले कुनै एक प्रदेशलाई मात्र नभई समग्र नेपाललाई नै फाईदा हुने भन्दै प्रधानमन्त्री वलीले कृर्षी, उद्योग, व्यापार लगाएत सम्पुर्ण क्षेत्रमा सरकारले उच्च प्रबिधिको प्रयोग गरि ठुला विकास निर्माणको काम गर्ने दावी गरे ।
चिनियाँ निर्माण कम्पनी कोभेकले १२ हजार २ सय मिटर लामो सुरुङमार्ग निर्धारित समयभन्दा एक वर्षअघि नै सम्पन्न गरेको हो । विसं २०७४ कात्तिक मसान्त देखि टीबीएमको सहायताले सुरुङ खन्न थालिएको हो । सिँचाइ विभाग र कोभेकबीचको सम्झौतामा सुरुङ खन्ने अवधि २०७६ चैत १५ गतेसम्म थियो ।