चपस मकवानपुरले लम्साल,पराजुली तथा खडगीलाई पुरस्कृत गर्ने

  २२ बैशाख, हेटौँडा ।चलचित्र पत्रकारिता दिवसको अवसरमा चलचित्र पत्रकार संघ मकवानपुरले यो वर्ष  राष्ट्रिय चलचित्र पत्रकारिता पुरस्कारबाट सञ्चारकर्मी नवराज लम्साललाई पुरस्कृत गर्ने भएको छ । 
 चप संघ मकवानपुर शाखाको शनिबार बसेको बैठकले हरेक वर्षको जेठ ७ गते मनाउदै आएको चलचित्र पत्रकारिता दिवसको अवसरमा लम्साललाई पुरस्कृत गर्न लागेको हो । पुरस्कारको राशी नगद १० हजार रहेको  चपस मकवानपुरका  अध्यक्ष मणिराज गौतमले बताए ।
त्यसैगरी चलचित्र पत्रकार संघ मकवानपुरल  चलचित्र पत्रकारिता दिवसको अवसरमै चलचित्र पत्रकारिता पुरस्कारबाट सञ्चारकर्मी रोशन पराजुलीलाई पुरस्कृत गर्ने निणर्य गरेको छ ।  पराजुलीलाई  नगद ५ हजार सहित पुरस्कृत गर्ने चलचित्र पत्रकार संघ मकवानपुरले जनाएको छ । 
त्यस्तै मकवानपुरमा जन्म भई राष्ट्रिय कलाकारितामा जम्न सफल कलाकारहरुलाई सम्मान स्वरुप हरेक वर्ष प्रदान गर्दै आएको चलचित्रकर्मी सम्मानबाट यो वर्ष नेपाली चलचित्रका द्धन्द निर्देशक ÷ कलाकार तथा निर्माता, निर्देशक राजेन्द्र खड्गीलाई  सम्मान गर्ने निर्णय गरिएको संघका सचिव श्रीराम अर्जुनले बताएका छन ।       
संघले गत वर्ष चलचित्र सम्मानबाट नायिका निता ढुङगाना, राष्ट्रिय चलचित्र पत्रकारिता पुरस्कारबाट डब्बु क्षेत्री र चलचित्र पत्रकारिता पुरस्कारबाट रामकुमार एलनलाई पुरस्कृत गरेको थियो । भने यस अघि कलाकार भोलाराज सापकोटा, अमिर गौतम, सुशान्त कुमार श्रेष्ठलाई कलाकारिता सम्मान प्रदान गरेको थियो