टोल विकास संस्था ६ नम्बरबाट ४ दिने तालिम शुरू

८ जेठ, हेटौंडा । टोल विकास संस्था वडा समन्वय समिति हेटौंडा ६ को आयोजनामा महिलाहरुको नेतृत्व तथा संस्थागत क्षमता विकास तालिम बुधबारबाट शुरू भएको छ । ४ दिनसम्म सञ्चालन हुने तालिमको हेटौंडा उपमहानगरपालिका वडा नम्बर ६ का अध्यक्ष अर्जुनप्रसाद चौलागाईले उद्घाटन गरेका हुन् । 
तालिम उद्घाटन गर्दै अध्यक्ष चौलागाईले तालिममा सिकेका कुरा व्यवहारमा उर्तान आग्रह गरे । आफू जागृत भए मात्र समाज सचेत हुने बताउँदै उनले समाज रुपान्तरणमा महिलाको अहम् भूमिका रहने बताए । महिलाहरुको क्षमता अभिबृद्धि हुँदा सिंगो परिवारलाई नै फाईदा पुग्ने उनले बताए । तालिममा ६ नम्बर वडाका २० वटा टोलविकास संस्थाका प्रतिनिधिहरुको उपस्थिति रहेको थियो । तालिमलाई आरती पाठक, रुपेश दुलाल र भीमसेन पौडेलले सहजिकरण गर्ने टोल समन्वय समितिका सचिव विजय पौडेलले जानकारी दिए । 
टोल विकास संस्था ६ नम्बर वडा समन्वय समितिका अध्यक्ष केशव धितालको अध्यक्षतामा भएको कार्यक्रममा हेटौंडा ६ का वडा सदस्य कल्पना विश्वकर्मा, रामहरि राई, शुभद्रा तिमल्सिना, टोल विकास संस्था नगर समन्वय समितिकी उपाध्यक्ष सति न्यौपाने लगायतकाले मन्तव्य व्यक्त गरेका थिए ।