यो सरकार विधेयक मात्र ल्याउने काम गर्‍योः सभापति देउवा 

३१ जेठ, हेटौँडा । नेपाली कांग्रेसका सभापति शेरबहादुर देउवाले वर्तमान सरकारले विधेयक ल्याउने मात्र काम गरेको आरोप लगाएका छन । 
शुक्रबार हेटौंडामा सुरु भएको नेपाल सांस्कृतिक संघको राष्ट्रिय प्रशिक्षण भेलालाई सम्बोधनका क्रममा सभापति देउवाले  सरकारले कहिले मिडिया काउन्सिल विधेयक त कहिले गुठी सम्बन्धि विधेयक ल्याउने काम मात्र गरेको बताउदै गुठी सम्बन्धि विधेयक र मिडिया काउन्सिल विधेयक कुनै हालतमा पारित हुन नदिने चेतावनी दिएका छन । 
. गुठी सम्बन्धि नेपालीहरुको संस्कृति र सभ्यता भएको दावी गर्दै उनले यो विधेयक क’नै हालतमा पारित हुन नदिने चेतावी दिएका हुन् ।देउवाले  ओली सरकारले स्वतन्त्र प्रेसलाई नियन्त्रणमा लिन खोजेको भन्दै  प्रेस काउन्सिललाई लत्याएर पत्रकारलाई दण्डित गर्ने गरी ल्याउन लागेको मिडिया काउन्सिल विधेयक पनि पारित हुन नदिने बताएका छन । उनले कम्युनिष्टको यस्तै रबैयाको कारण अबको चुनावमा कांग्रेसको बहुमत आउने दावी गर्दै . गीतसंगीत माथि समेत सरकारले प्रतिबन्द लगाइरहेको बताएका छन । कार्यक्रममा बेल्दै सहमहामन्त्री डा.प्रकाशशरण महतले नेपालमा अर्को निर्वाचनबाट कम्य’निष्ट सत्ता विस्थापित हुने चेतावनी दिएका छन । उनले अहिले अन्तर्राष्ट्रिय सम्बन्ध लाजमर्दो भएको भन्दै उनले संसारभर फेल भएको कम्य’निष्ट सिद्धान्त नेपालमा परीक्षण भैरहेको बताए  ।

सांस्कृतिक संघका केन्द्रीय सभापति तीर्थ बहादुर थापा अध्यक्षतामा भएको कार्यक्रममा कांग्रेसका बरिष्ठ नेता गोपालमान श्रेष्ठ, केन्द्रीय सदस्यहरु प्रदीप पौडेल, देवेन्द्रराज कंडेल, गुरुराज घिमिरे, महालक्ष्मी उपाध्याय डीना, प्रदेश ३ का संसदीय दलका नेता ईन्द्र बहादुर बानियाँ, तरुण दल केन्द्रीय अध्यक्ष जीतजंग बस्नेत, बरिष्ठ कलाकार निर शाह, चलचित्र कलाकार संघका अध्यक्ष रबिन्द्र खड्का, सांस्कृतिक संघ जिल्ला सभापतिहरुको तर्फबाट काभ्रे सभापति हरिकुमार कर्माचार्यलगायतले शुभकामना मन्तव्य व्यक्त गरेका थिए।कार्यक्रममा विभिन्न पार्टी परित्याग गरी केही नेता तथा कलाकार कांग्रेसमा प्रवेश गरेका छन । शुक्रबारबाट सुरु भएको नेपाल सांस्कृतिक संघको राष्ट्रिय प्रशिक्षण भेला भोलि अर्थात शनिबार सकिने जनाईएको छ ।