बालकल्याणद्वारा पत्रकार महासंघलाई सहयोग

१ पुस, हेटौंडा । गैरसरकारी संस्था बालकल्याण समाज मकवानपुरले नेपाल पत्रकार महासंघलाई फर्निचर सहयोग गरेको छ । प्लान नेपालको सहयोगमा बालकल्याणले महासंघलाई फर्निचर सहयोग गरेको हो ।

महासंघ मिटिङ हलका लागि सहयोग गरिएको राउन्ड टेबुल र कुर्सी शुक्रबार एक कार्यक्रममा बालकल्याणका कार्यक्रम संयोजक प्रकाश खतिवडाले महासंघका पूर्व अध्यक्ष राममणी दाहाललाई हस्तान्तरण गरेका छन् ।

कार्यक्रममा बोल्दै दाहालले बालकल्याण समाजले निकृष्ट बालश्रम  न्यूनिकरण, बालबालिका बेचबिखन नियन्त्रण लगायतका सामाजिक क्षेत्रमा काम गरेको भन्दै सामाजिक चेतना अभिबृद्धिमा दुई संस्था मिलेर काम गर्न सकिने बताए । उनले संचारकर्मीको क्षमता अभिबृद्धि र संस्थागत विकासमा बालकल्याणले पुर्याएको योगदानको प्रशंसा गरे ।

बालकल्याणका कार्यक्रम संयोजक खतिवडाले महासंघलाई संस्थागत विकासमा सहयोगको अवसर दिएकोमा अाभार अागामी दिनमा पनि सहकार्यका लागि तयार रहेको बताए । महासंघका उपाध्यक्ष गिरिजा अधिकारीको अध्यक्षतामा भएको कार्यक्रममा बालकल्याणका कार्यक्रम प्रवन्धक कमल फुँयाल, संरक्षण अधिकृत रामप्रसाद दाहाल, महासंघका सचिव कृष्ण सारू मगर, सदस्यहरू सुजन विडारी, गणेश दर्पण अधिकारीसहित संचारकर्मीको सहभागिता रहेको थियो ।

फर्निचरका लागि बालकल्याणले महासंघलाई एक लाख रूपैयाँ सहयोग गरेको जनाईएको छ ।