राजदेवी दुग्ध सहकारीको साधारण सभा सम्पन्न

९ पुस, हेटौँडा । हेटौँडा–२० मा रहेको राजदेवी दुग्ध उत्पादक सहकारी संस्था लिमिटेडको २२ औं बार्षिक साधारण सभा शनिबार सम्पन्न भएको छ । साधारण सभामा संस्थाका कार्यवाहक अध्यक्ष चोपलाल धमलाले संस्थागत प्रतिवेदन, लेखा सुपरिवेक्षण समितिका संयोजक रमेशकुमार पराजुलीले लेखापरिक्षण प्रतिवेदन र व्यवस्थापक घनश्याम दाहालले चालु आव २०७३÷०७४ को लागि करिव ३ करोड ७१ लाख बराबरको अनुमानित आयव्यय विवरण प्रस्तुत गरेका थिए । 
भेलामा समूहले गरेका गतिविधिहरुको बारेमा प्रचारप्रसार गरेको भन्दै संचारकर्मी भीमसेन पौडेललाई सम्मान गरेको थियो । भेलामा संस्थापक अध्यक्ष सिताराम दाहाल, पूर्व अध्यक्ष माधव न्यौपाने र रामप्रसाद तिमल्सिना, चन्दादाता सोमनाथ तिमल्सिना, उत्कृष्ट ऋणी एकनाथ चौलागाई र सानु कुँबरलाई सम्मान गरिएको थियो । यसैगरी, बढि दूध विक्रि गर्ने दिनेशकुमार धमला, बुद्धिकृष्ण सापकोटा, राधा सापकोटा, डिल्लीप्रसाद चौलागाई, नेत्रप्रसाद तिमल्सिना, नरबहादुर कार्की, तुल्सिराम धमला, रामप्रसाद भट्ट र सावित्रि सञ्जेललाई सम्मान गरिएको थियो । 
मकवानपुर जिल्ला दुग्ध उत्पादक सहकारी संघका अध्यक्ष बासुदेव अधिकारीको प्रमुख आतिथ्यता एवं संस्थाका कार्यवाहक अध्यक्ष चोपलाल धमलाको अध्यक्षतामा भएको सभामा संघका व्यवस्थापक कुमारमणी दाहाल, पञ्चकन्या दुग्ध उत्पादक सहकारी संस्थाका अध्यक्ष छन्दप्रसाद न्यौपाने, किसान दुग्ध उत्पादक सहकारी संस्थाका अध्यक्ष बद्री भण्डारी, राजदेवी बचत तथा ऋण सहकारी संस्थाका अध्यक्ष मधुसुदन न्यौपाने, अशोक सामुदायिक वनका अध्यक्ष बलराम अधिकारी लगायतले मन्तव्य व्यक्त गरेका थिए ।