Email :- prastakhabar@gmail.com
Ghatna-Darta-Adv-Manahari-1688788486.jpg

खेलकुद

नेपालसँग माल्दिभ्सको लजास्पद हार

2nd-match-1482992416.JPG

नवीन तिमल्सिना
१४ पुस, भारत (सिलिगुडी) ।भारतको सिलिगुडीमा जारी चौथो दक्षिण एसियाली महिला फुटबल (साफ) प्रतियोगितामा नेपालले माल्दिभ्सविरुद्ध सानदार जीत निकालेको छ ।

कञ्चनजंघा स्टेडियममा भएको प्रतियोगिताको दोस्रो खेलमा नेपालले माल्दिभ्सलाई ९–० गोलको फराकिलो अन्तरले लजास्पद हार चखाएको हो । नेपालको जीतमा सावित्रा भण्डारी नायक बनिन् । साफमा पहिलो पटक सहभागिता जनाएकी भण्डारीले माल्दिभ्सविरुद्धको खेलमा एक्लैले ५ गोल गरेकी छन् ।

प्रतियोगिताको उद्घाटनमा भुटानविरुद्ध पनि भण्डारीले ६ गोल गर्दै दोहोरो ह्याट्रिक गरेकी थिइन् । तीव्र गतिमा दौडिने भण्डारी नेपाली फुटबलमा एउटै खेलमा दोहोरो ह्याट्रिक गर्ने पहिलो खेलाडी हुन् । उनले खेलको १२ औं मिनेटमा उत्कृष्ट गोल गर्दै टिमलाई अग्रता दिलाएकी हुन् । माल्दिभ्सकी गोलरक्षक आइस्हात अबदुल रजाक अगाडि बढेको मौकामा भण्डारीले बललाई चिप गर्दै जाली चुमाइन् ।

सावित्राले नेपालको लागि दोस्रो गोल खेलको २८ औं मिनेटमा गरिन् । दीपा राईले दिएको पासलाई भण्डारीले सेकेन्ड बारमा च्याप्दै बललाई पोष्टको दिशा दिइन् । खेलको ३९ औं मिनेटमा भण्डारीले गोल गर्दै प्रतियोगितामा आफ्नो तेस्रो ह्याट्रिक तथा कुल ९ गोल गर्न सफल भइन् ।

अनिता बस्नेतको क्रस प्रहारलाई माल्दिभ्सकी गोल रक्षक रजाकले बचाउन खोज्दा रिबाउन्ड भएको बललाई भण्डारीले हेड मार्फत् सुन्दर गोल गरिन् । 

सावित्राले खेलको ५० औं मिनेटमा करिब ४० यार्डबाट एक्लै लगेको बललाई माल्दिभ्सकी गोलरक्षक रजाकलाई छक्काउँदै उत्कृष्ट गोल गरिन् । नेपालको लागि ५ औं गोल मञ्जलीकुमारी योञ्जनले ५२ औं मिनेट गोल गरिन् । मिडफिल्डर अनिता बस्नेतले निकालेको क्रस पासलाई सदुपयोग गर्दै योञ्जनले गोल गरेकी हुन् ।

सावित्राले खेलको ६३ औं मिनेटमा अनिताको पासलाई डिबक्सभित्रबाट प्रहार गरेको बलले जाली चुमेपछि उनको टिमको 
लागि ५ औं गोल पुगेको छ । टिमको छैठौं गोल ६५ औं मिनेटमा मैदान प्रवेश गरेकी सपना लामाले गरिन् । खेलको ७१ औं मिनेटमा सावित्राले दिएको पासलाई सपनाले सदुपयोग गर्दा नेपालले माल्दिभ्सविरुद्ध आधा दर्जन गोल ठोकेको हो ।  खेलको ७४ औं मिनेटमा करिब ३० यार्डबाट हिराकुमारी भुजेलले प्रहार गरेको शक्तिशाली बललाई माल्दिभ्सकी गोलरक्षकले पत्तै पाइनन् ।

नेपालको लागि ९ औं तथा खेलको अन्तिम गोल अतिरिक्त खेलाडी निर्मला विकले खेलको अतिरिक्त समयमा गोल गरिन् । नेपालले आफ्नो तेस्रो खेल श्रीलंकासँग पुस १५ गते खेल्नेछ । पहिलो खेलमा नेपालले भुटानलाई ८–० गोलले पराजित गरेको थियो । 
प्रतियोगिताको समूह ए मा नेपाल, माल्दिभ्स, श्रीलंका र भुटान छन् । समूह बि मा भारत, अफगानिस्तान र बंगालादेश छन् । भारत ३ पटक च्याम्पियन बनेको छ । नेपाल ३ पटक नै उपविजेतामा चित्त बुझाएको छ । प्रतियोगितामा पाकिस्तान भने सहभागी भएको छैन ।


समाचार मन परे लाईक गर्नुहोस्



Ghatna-Darta-Adv-Kailash-1686118720.jpg

Ghatna-Darta-Notice-Htd-6-1688259813.jpg
Adv-Ghatna-Darta-Htd7-1705218069.jpg
Ghatna-Darta-Notice-Htd-1-1665992031.jpg
मुख्यमन्त्री जम्मकटेलद्वारा वडा प्रहरी कार्यालय हेटौंडाको भवन उद्घाटन
Screenshot_20240228_14152-1709109233.jpg

१६ फागुन,हेटौंडा । २०७८ बैशाख २७ गते शिलान्यास भएको हेटौंडा-४ हुप्रचौरमा वडा प्रहरी कार्यालयको नवनिर्मित भवनको...

नेदरल्याण्डसद्वारा नेपाललाई १८५ रनको लक्ष्य
Can-1709106993.jpg

१६ फागुन,काठमाडौँ । त्रिकोणात्मक टी-२० सिरिजको दोस्रो खेलमा नेदरल्याण्डसले नेपाललाई १८५ रनको लक्ष्य दिएको छ...

सुनचाँदीको मूल्य घट्यो
Gold1-1709105489.jpg

१६ फागुन,काठमाडौँ । नेपाली बजारमा बुधबार सुनचाँदीको मूल्य घटेको छ । सुन प्रतितोला एक सय र चाँदी ५ रुपैयाँ घटेको...

माओवादीले राष्ट्रियसभा अध्यक्षमा उम्मेदवारी दिने
Moist-1709105187.jpg

१६ फागुन, काठमाडौँ । नेकपा माओवादी केन्द्रले राष्ट्रियसभा अध्यक्षमा उम्मेदवारी दिने भएको छ । बुधबार बसेको...

कैलाशमा ‘वडा वडामा न्यायिक समिति’ कार्यक्रम
Kailash-Photo1-1709099353.jpg

१६ फागुन, हेटौंडा । मकवानपुरको कैलाश गाउँपालिकाले ‘वडा वडामा न्यायिक समिति’ कार्यक्रम संचालन गरिरहेको छ ।...

मकवानपुरमा बिजुलीको पोलले थिचेर वडासदस्यको निधन
For-representation-only-1709088898.jpg

१६ फागुन, हेटौंडा। मकवानपुरमा बिजुलीको पोलले थिचेर एक जना जनप्रतिनिधिले ज्यान गुमाएका छन्। मकवानपुरको बकैया...

माओवादी स्थायी कमिटी बैठक आज पनि जारी
maobadi-1709088595.png

१६ फागुन, काठमाडौं । नेकपा (माओवादी केन्द्र) को स्थायी कमिटी बैठक आज पनि जारी रहने भएको छ । बैठक पार्टी केन्द्रीय...

नेपाल वाफको फाइनलमा प्रवेश
20240228_065510-1709082675.jpg

१६ फागुन, हेटौंडा । नेपाल पश्चिम एसियन फुटबल फेडेरेसन महिला च्याम्पियनसिप (वाफ) को फाइनलमा प्रवेश गरेको छ...

मौसम मुख्यतया सफा रहने
Screenshot_20230324_10360-1709082087.jpg

१६ फागुन, हेटौंडा । हाल नेपालमा पश्चिमी न्यून चापीय प्रणालीको आंशिक प्रभाव रहेको छ। देशका पहाडी भू-भागमा आंशिक...

थप समाचार