एम्नेष्टीद्वारा अधिवक्ता देउला सम्मानित

२३ पुस, हेटौंडा । एम्नेष्टी ईन्टरनेशनल नेपाल समूह ६७ हेटौँडाले अधिवक्ता रामकृष्ण देउलालाई शनिबार सम्मान गरेको छ । संस्थाले १७ औँ बार्षिक साधारण सभामा'ईन्द्रबहादुर श्रेष्ठ स्मृती मानवअधिकार सम्मान' बाट उनलाई सम्मान गरेको हो ।
कार्यक्रमका प्रमुख अतिथी एवम् मकवानपुर क्षेत्र नम्बर ३ का सांसद अनन्त पौडेलले देउलालाई खादा ओडाएर
सम्मान पत्र प्रदान गरेका थिए । नगद पुरस्कार पाँच
हजार एम्नेष्टी ईन्टरनेशनल समूह हेटौँडाका संयोजक ह्यग्रिव आचार्यले प्रदान गरे । कार्यक्रममा सांंसद पौडेलले नेपालमा राजनितिक आवरणमा दण्डहिनता कायम रहनु दुःखद रहेको बताए । मानवअधिकार प्रवर्द्धन गर्न एम्नेष्टीको भुमिका महत्वपूर्ण रहेको भन्दै उनले थप सक्रिय हुन आग्रह गरे ।

एम्नेष्टी ईन्टरनेशनल नेपाल समूह ६७ हेटौँडाको संस्थापक संयोजक श्रेष्ठको नाममा स्थापित पुरस्कार हरेक बार्षिक साधारण सभामा प्रदान गरिने बताईएको छ । कार्यक्रम एम्नेष्टी ईन्टरनेशनल समूह हेटौँडाका संयोजक ह्यग्रिव आचार्यको सभाध्यक्षतामा भएको थियो ।
कार्यक्रममा एम्नेष्टी ईन्टरनेशनल नेपालका केन्द्रिय सदस्य सुरेश अर्यालको बिशेष आतिथ्य रहेको थियो
। कार्यक्रममा एम्नेष्टी ईन्टरनेशनल समूह हेटौँडाका सचिव हेमन्त ढुंगेलले बार्षिक कार्ययोजना सहित प्रतिबेदन तथा कोषाध्यक्ष प्रकाश ढकालले आर्थिक प्रतिबेदनले प्रस्तुत गरेका थिए ।

एम्नेष्टी ईन्टरनेशनल समूह हेटौँडाका उपसंयोजक बिजयकुमार बैद्यले स्वागत मन्तव्य व्यक्त गरेको कार्यक्रममा अधिवक्ता देउला, पुरस्कार अक्षय कोषका सदस्य सचिव एवम् उपप्राध्यापक कृष्ण प्रसाद दाहाल लगाएतले मन्तव्य व्यक्त गरेका थिए । 

समूह हेटौँडाका पूर्व संयोजक जिवनकाजी माकजु श्रेष्ठले १५ हजार दिने घोषणा गगरिएको पुरस्कार अक्षय कोषमा सांंसद अनन्त पौडेलले पनि सहयोग गर्ने प्रतिबद्धता व्यक्त गरेका थिए ।