ठिंगनमा विभिन्न पार्टी परित्याग गरी काँग्रेसमा प्रवेश

१ माघ, हेटौंडा । नेपाली काँग्रेस मकवानपुरका सभापति एवं संस्कृति, पर्यटन तथा नागरिक उड्डयन राज्यमन्त्री इन्द्रबहादुर बानियाँको नेपाली काँग्रेस ठिंगन गाउँ ईकाईले स्वागत तथा सम्मान कार्यक्रम गरेको छ ।

नेपाली काँग्रेस ठिंगन गाउँ कमिटिका अध्यक्ष ईन्द्रबहादुर गोलेको अध्यक्षतामा भएको कार्यक्रममा प्रमूख अथिति राज्यमन्त्री बानियाँलाई ठिंगन गाविसमा स्वागत गर्न पाएकोमा स्थानीयहरुले खुशी प्रकट गरेका थिए ।

कार्यक्रममा एकीकृत नेकपा माओवादी परित्याग गरेका विजय न्यासुरको नेतृत्वमा विभिन्न पार्टी परित्याग गरी एकदर्जन नेपाली काँग्रेसमा प्रवेश गरेका छन् । उनीहरुलाई टिका तथा खाँदा लगाईदिदै राज्यमन्त्री बानियाँले सदस्यता प्रदान गरेका छन् ।

कार्यक्रममा नेपाली काँग्रेस मकवापुरका कोषाध्यक्ष गोपीलाल विश्वकर्मा, जिल्ला सदस्य कृष्णप्रसाद दाहाल, आमन्त्रित जिल्ला सदस्य नामदेव सिलवाल, १ नम्बर क्षेत्रीय सभापति दामोदर खनाल, सुभात थिङ, हेनउपा २१ नम्बर वडा सभापति रामकृष्ण कोइराला लगायतले शुभकामना मन्तव्य व्यक्त गरेका थिए ।

घलेगाउँमा  नयाँ वर्ष तथा लोछार पर्व

मकवानपुर विकट गाविस ठिंगन गाविसको ३ घलेगाउँमा घले समुदायहरुले नयाँ वर्ष तथा लोछार पर्व मनाएका छन् ।

नेपाली काँग्रेस मकवानपुर सभापति एवं संस्कृति, पर्यटन तथा नागरिक उड्डयन राज्यमन्त्री इन्द्रबहादुर बानियाँको प्रमूख आतिथ्यतामा भएको कार्यक्रममा घलेहरुले आफ्नो भेषभुषा, नाचगान र विभिन्न परिकारहरु खुवाएर मनाइएको हो ।

कार्यक्रममा राज्यमन्त्री बानियाँले आफू यसै जिल्ला र क्षेत्रबाट चुनिएर गएर राज्यमन्त्रीसम्म बनेकाले यस क्षेत्रमा घले समाजको विकासका लागि सरकारले हालसम्म गरेका कार्यक्रमलाई थप बढाउने र अन्य सरकारको तर्फबाट गर्नपर्ने कार्यमा कुनै कसुर बाँकी नराखी सक्दो सहयोग गर्ने बताएका छन् ।

घले समाज ठिंगनका अध्यक्ष नारायणबहादुर घलेको सभाध्यक्षतामा भएको कार्यक्रममा नेपाली काँग्रेस मकवानपुरका कोषाध्यक्ष गोपीलाल विश्वकर्मा लगायत स्थानीय नेताहरूले मन्तव्य व्यक्त गरेका थिए ।