दोभानचौर महायज्ञमा ३१ लाख ३६ हजार संकलन

२ माघ, हेटौँडा । हेटौँडा–२५ दोभानचौरमा कमला आधारभुत प्राविको भौतिक सुधारका लागि आयोजना गरिएको महायज्ञको सातौं दिनसम्ममा ३१ लाख ३६ हजार ७ सय १७ रुपैँया संकलन भएको छ ।

महायज्ञमा अाइतबार १२ लाख ४९ हजार ९ सय ८८ रूपैयाँ संकलन भएको छ । महायज्ञमा हेटौँडा–२५ की प्रमिला महतले १ लाख ७५ हजार ५ सय ५ रुपैँया, हेटौंडा-२४ का अनिल बानियाँले १ लाख ५१ हजार १ सय ११, हेटौंडा-२५ का तोयानाथ तिमल्सिनाले १ लाख ११ हजार १ सय ११, नरहरी महतले १ लाख १ हजार १ सय १, रामबाबु बानियाँले ५१ हजार, ऋषिराज बानियाँले ५१ हजार, हरेराम बानियाँले ५१ हजार, सहदेवराज बानियाँले ५१ हजार र ज्योति मावि परिवारले २६ हजार रूपैयाँ दान गरेका छन् ।

यसैगरी, हेटौंडा-५ का गणेशबहादुर बानियाँले २५ हजार, बानियाँ बन्धु समाजले २५ हजार, हेटौंडा-५ का रञ्जन कठायतले १५ हजार ५ सय ५५, हेटौंडा-२३ का हर्कबहादुर घलानले १५ हजार १ सय ५, हेटौंडा-५ का कपिल बानियाँले १५ हजार ५, हेटौंडा-२५ का रविन्द्रबहादुर सुर्खेतिले ११ हजार ५ सय ५०, टकबहादुर बानियाँले ११ हजार १ सय १५, हेटौंडा-२४ का पाण्डवराज बानियाँले ११ हजार ११, हेटौंडा-२५ का बरूण कार्कीले १० हजार ६ सय ४८, झलकबहादुर बानियाँले १० हजार १ सय ७ र ढलकबहादुर बानियाँले १० हजार १ सय ७ दान गरेको  मूल समारोह समितिका संयोजक तोयनाथ तिमल्सिनाले बताए ।

महायज्ञको अन्तिम दिन माघ ३ गते सामुहिक ब्रतबन्धको कार्यक्रम रहेको आयोजकले जनाएको छ । महायज्ञमा युवापण्डित सुदर्शन चालिसेले कथावाचन गरिरहेका छन् ।