राष्ट्रपति रनिङ खेलकुदको ३ नम्बर छनौट शुरू

१४ माघ, हेटौंडा । राष्ट्रपति रनिङ शिल्ड विद्यालयस्तरीय खेलकुद प्रतियोगिता अन्तर्गत शुक्रबारबाट मकवानपुर क्षेत्र नम्बर–३ को छनौट सुरु भएको छ । हेटौंडाको हुप्रचौरमा भएको छनौटको प्रमुख जिल्ला अधिकारी नारायणप्रसाद शर्मा दुवाडीले उद्घाटन गरेका हुन् ।

मकवानपुर जिल्ला खेलकुद विकास समिति अध्यक्ष माधव तिमल्सिनाको अध्यक्षतामा भएको उद्घाटनमा स्थानीय विकास अधिकारी नारायण मैनाली, स्रोतव्यक्ति किरण आचार्यलगायतको आतिथ्यता रहेको थियो । शुक्रबार भएको छनौटबाट १५ सय मिटर, ८ सय मिटर, २ सय मिटर, १ सय मिटर र सटपुट तर्फका बिद्यार्थी छनौट भएका छन् ।

मकवानपुर जिल्ला खेलकुद विकास समितिका प्रमुख राजन दाहाल खुसराजले दिएको जानकारी अनुसार १५ सय मिटर दौडमा वंशगोपाल उच्च माविका शरण थिङ, कृष्ण आदर्श माविमा निर्मल चौलागाईं, महेन्द्रकिरण मावि बसामाडीका भीमराज घलान, जनजागृति मावि चुरियामाइकी अञ्जना बिक, वंशगोपालकी सपना तिमल्सिना र विपना गौतम छनौट भए ।

यस्तै ८ सय मिटर दौडमा जनज्योति माविका अनिल बल, सिद्धार्थका बुद्ध ब्रम्हु, वंशगोपालका नवीन गुरुङ, कृष्ण आदर्श माविका अप्सरा भारती, जनजागृति विद्यालयका सुष्मा विक र सिद्धार्थ माविका सलिना केसी छनौट भए । १ सय मिटर दौडमा वंशगोपालका अमन गोले र विवेश माझी, महेन्द्रकिरणका सन्देश राई र मनिषा राई, चन्द्रोदयका उषा मगर र जनजागृतिका सुष्मिता वाईबा छनौट भएको खुसराजले जानकारी दिए ।

त्यसैगरी २ सय मिटर दौडमा भृकुटी माविका रुपेश मोक्तान, सिद्धार्थका विजय केसी, वंशगोपालका विवेश माझी, चन्द्रोदयका उषा मगर, महेन्द्र उमाविका मनिषा राई र अष्मिता राई तथा सटपुटमा ज्ञानदा माविका सुमन नेपाली, जनजागृतिका सुरेश दोङ, सिद्धार्थका विजय केसी, वंशगोपालका एन्जिला परियार र जनजागृतिका सुष्मा वाईबा र विपना थिङ चयन भएका छन् ।