लायन्स क्लव मकवानपुर युथद्वारा वृद्धाश्रमममा सहयोग

१५ माघ, हेटौंडा । लायन्स क्लव अफ मकवानपुर युथले हेटौंडाको रातोमाटेमा रहेको दिव्यसेवा निकेतनमा खाद्यान्न तथा लत्ताकपडा सहयोग गरेको छ । शनिबार एक कार्यक्रम गरि लायन्स क्लवले वृद्धाश्रममा खाद्यान्न तथा लत्ताकपडा हस्तान्तरण गरेको हो । 
संस्थाका अध्यक्ष सञ्जय शाहको अध्यक्षतामा भएको कार्यक्रममा दाल, चामल, चिउरा, तेल, जुत्ता, तरकारी, चना, तरकारी, पीठो, दाल लगायतका सामाग्री हस्तान्तरण गरिएको थियो । आश्रमका अध्यक्ष टिआर निरौलालाई संस्थाका पदाधिकारीले खाद्यान्न तथा लत्ताकपडा हस्तान्तरण गरेका थिए । सन् २०१६ नोभेम्बरमा गठन भएको संस्थाले शनिबार नै एक कार्यक्रमकाबीच पदाधिकारी नियुक्तसमेत गरेको छ ।

अध्यक्ष साहले शनिबार दिव्य सेवा निकेतनमा भएको कार्यक्रममा प्रथम उपाध्यक्षमा हरि ढकाल, द्वितीय उपाध्यक्षमा रितेष श्रेष्ठ र तृतीय उपाध्यक्षमा सुवास लम्साललाई चयन गरेको जनाएका छन् । संस्थाका सचिवको रुपमा यदुनाथ सुवेदीलाई चयन गरिएको जनाइएको छ । २३ सदस्यीय कार्यसमिति चयन गरिएकोमा अनन्त धिताललाई कोषाध्यक्षमा नियुक्त गरिएको क्लवले जनाएको छ ।

लियो क्लब हेटौंडाका संस्थापक अध्यक्ष गोविन्द बहादुर क्षेत्रीको प्रमुख आतिथ्यतामा भएको कार्यक्रमलाई लायन राजेश वाग्लेले संयोजन गरेका थिए ।