दलित शक्ति नेपाल संयोजकमा रसाइली

१७ माघ, हेटौंडा । नयाँ शक्ति पार्टीनिकटको संगठन दलित शक्ति नेपाल मकवानपुरको संयोजकमा गणेश रसाइली चयन भएका छन् ।

सोमबार हेटौंडामा भएको भेलाले रसाइली संयोजक रहने गरी ५१ सदस्यीय अधिवेशन आयोजक कमिटी गठन गरिएको हो । जसको सहसंयोजकमा गोपिलाल विक, सदस्यहरुमा बुद्धिमाया विक, जानकी परियार, कृष्णमाया सुनार, प्रकाश सुनारलगायत रहेका छन् ।

दलित शक्ति नेपालका केन्द्रीय सहसंयोजक रविन्द्र सुनारको प्रमुख आतिथ्यतामा भएको भेलामा ३ नम्बर प्रदेश संयोजक दिलमाया गहतराज पार्टीका केन्द्रीय परिषद सदस्य जीवनमान मोक्तान, घरघरमा नयाँ शक्ति अभियान मकवानपुरका संयोजक विवेक वाइबा, दलित तथा अल्पसंख्यक विभाग संयोजक लिलाराज सुनारलगायतकाको आतिथ्यता रहेको थियो । 

यसैगरि, प्रत्यक्ष निर्वाचित कार्यकारी राष्ट्रपतिको पक्षमा नयाँ शक्तिले सुरु गरेको हस्ताक्षर अभियानलाई टोलस्तरमा लगिएको छ । सोमबार हेटौंडा उपमहानगरपालिकाको १ र ४ नम्बर वडामा हस्ताक्षर अभियान सञ्चालन गरिएको छ ।

पार्टीका नेताहरु डिबी थापा, राजन मैनाली, रमेश न्यौपाने, प्रेमनारायण गौतम लगायतको सहभागितामा घरघरमा हस्ताक्षर अभियान चलाइएको बताइएको छ । हेटौंडाको वुद्धचोकमा पनि पार्टीले हस्ताक्षर अभियान सञ्चालन गरेको छ ।

माघ मसान्तसम्ममा मकवानपुरबाट २० हजार हस्ताक्षर संकलन गर्ने लक्ष्य रहेको पार्टीले जनाएको 
छ ।