चेतनशिल सहकारीको २३ औं भेला सम्पन्न 

१४ मंसिर, हेटौँडा । हेटौडा–१७ चिसापानीमा रहेको चेतनशिल दुग्ध उत्पादक सहकारी संस्थाको २३ औं वार्षिक साधारणसभा शनिवार सम्पन्न भएको छ । 
साधारणसभामा संस्थाका अध्यक्ष महेश वजगाईले संस्थागत प्रतिवेदन, लेखा सुपरीवेक्षण समितिका सदस्य प्रमोद थापाले लेखा समितिको प्रतिवेदन, सामान खरीद विक्री उपसमितिका संयोजक रामप्रसाद तिमल्सिनाले खरीद विक्री उपसमितिको प्रतिवेदन प्रस्तुत गरेका थिए । भेलामा ज्येष्ठ शेयर सदस्य श्यामबहादुर बलामी, शिवप्रसाद दाहाल, हुताराम बास्तोला, श्यामलाल खतिवडा, देवबहादुर राई, असल बचतकर्ता कृष्ण बहादुर बस्नेत, असली ऋणी तर्फ कल्पना सापकोटालाई सम्मान गरिएको थियो । २०७५ सालको एसईई परीक्षामा उत्कृष्ठ अंक ल्याउने आरती राई, अनिष सापकोटा, अन्जली बस्नेत, सुप्रिम दहाललाई सम्मान गरिएको थियो । 
केन्द्रीय दुग्ध उत्पादक सहकारी संघका केन्द्रीय अध्यक्ष नारायणप्रसाद देवकोटाको प्रमुख आतिथ्यता एवम सहकारीका अध्यक्ष महेश बजगाईको सभाध्यक्षतामा साधारणसभा भएको थियो । 
साधारणसभामा हेटौडा–१६ का वडा अध्यक्ष रामकृष्ण कोईराला, १७ का वडा अध्यक्ष भैरब बहादुर राई, कृषि विकास बैंक कान्तिराजपथ शाखा प्रमुख ध्रुवप्रसाद पोडेल, मकवानपुर जिल्ला दुग्ध उत्पादक सहकारी संघका संचालक सदस्य धर्मराज लामिछाने, विष्णुमान श्रेष्ठ लगायतले मन्तवय व्यक्त गरेका थिए ।