हेटौंडामा तरकारी महङगियो, खै अनुगमन?

सुनिल शिवाकोटी

२१ मंसिर, हेटौंडा । हेटौंडामा केही दिन अघि सस्तिएको तरकारी फेरि   महङगिएको छ।तिहार र छठ पछि केही सस्तिएको तरकारी फेरि केही दिन देखि महङगिएको हो ।

विषेशगरी काउलि, सिमि, हरियो केराउ, ब्रोकाउली, टमाटर, प्याज लगायतका तरकारी महङगिएको हो । गत हप्ता ८० रुपैयाँ किलो रहेको काउलि यो हप्ता महङगिएर १६० रुपैयाँ पुगेको छ। त्यसैगरी १०० रुपैयाँ रहेको केराउ, सिमि महङगिएर १२० रुपैयाँ पुगेको छ । गतहप्ताको तुलनामा भने प्याज केही सस्तिएको छ। प्रति किलोमा प्याज २० रुपैयाँ घटेको पाइएको छ। त्यसैगरी ६० रुपैयाँ रहेको टमाटर बढेर ८० रुपैयाँ पुगेको छ। 

"तरकारी महङगियो बिहान बेलुका तरकारी नकिनि सुखै पाइदैन तर तरकारी घटला भनेको बढेको बढ्यै छ ,अब तरकारी किन नसकिएला जस्तो छ "हेटौंडा ४खोपगल्लीमा रहेको एक तरकारी पसलमा तरकारी किन्दै हेटौंडा ७ निवासी नवराज पौडेलले बताएका छन्। यता तराईबाट तरकारी आउन नसकेकोले तरकारी केही महङगो भएको र दुई चार दिनमा तराईबाट तरकारी आएपछि तरकारी सस्तो हुने हेटौंडा १० बसपार्क रहेको एक तरकारी पसलमा संचालक छोटु शाहले बताएका छन् ।

उनले तरकारी महङगो भएपछि होटलहरु बाहेक अन्यले नकिन्दा  तरकारीको ब्यापार घटेको बताएका छन्। अहिले तरकारी बिचौलियाहरुको कब्जामा रहेको आरोपमा आइरहदा  किसानले‌ सस्तोमा तरकारी बेच्न र उपभोक्ता महङगो तरकारी  किन्न बाध्य बनेका छन। न उपभोक्ताबादि संघ संस्थाको अनुगमन छ न स्थानिय प्रशासनको अनुगन छ ? तरकारी सस्तिने समयमा महङगिनु कतै प्रशासन र उपभोक्ताबादि संघ संस्था बिचको सेटिङ त होइन भन्ने उपभोक्ताको गुनासो रहेको छ।