रुद्रेश्वर सहकारीको कारोबार ४ करोड ४७ लाख

२१ मंसिर, हेटौँडा । हेटौँडा–५ मा रहेको रुद्रेश्वर बचत तथा ऋण सहकारी संस्था लिमिटेडको १८ औं बार्षिक साधारण सभा सम्पन्न भएको छ ।
भेलामा संस्थाका अध्यक्ष देविप्रसाद दाहालले संस्थागत प्रतिवेदन, सचिव भोलानाथ ढुंगानाले प्रगति प्रतिवेदन र कोषाध्यक्ष रामहरी चौलागाईले आर्थिक प्रतिवेदन प्रस्तुत गर्दै चालु आव ०७६/०७७ का लागि ५ करोड २१ लाख रुपैँयाको अनुमानित आयव्यय विवरण प्रस्तुत गरेका थिए । संस्थाले आव ०७५/०७६ मा ४ करोड ४७ लाखको कारोबा गरेको थियो ।
भेलामा ज्येष्ठ शेयर सदस्य दिलमाया ठकुरी, कला गुरुङ, रेणु श्रेष्ठ, लालबहादुर बजगाई, धनमाया बुढाथोकी र सावित्रि राईलाई सम्मान गरिएको थियो । यसैगरी, असल बचतकर्तामा सावित्रि राई र असली कारोबारीमा तिर्थमाया राईलाई सम्मान गरिएको थियो । हेटौँडा उपमहानगरपालिकाकी उपप्रमुख मिना लामाको प्रमुख आतिथ्यता एवं संस्थाका अध्यक्ष देविप्रसाद दाहालको सभाध्यक्षतामा भएको कार्यक्रम भएको थियो  ।
कार्यक्रममा वडा सदस्य ज्ञानबहादु थापा, भूपू सैनिक मिलन सहकारीका कोषाध्यक्ष ताराप्रसाद अधिकारी, टोल विकास संस्था वडा समन्वय समिति हेटौँडा ५ का सचिव सुधिर थापा, संस्थाका कार्यसमिति सदस्य टिएन ढुंगेल, शेयर सदस्य देविप्रसाद गौतम, सरिता भट्टराई लगायतले मन्तव्य व्यक्त गरेका थिए ।