सहकारी सम्बन्धी हेटौडामा अन्तरक्रिया

२८ मंसिर, हेटौँडा । सहकारी संस्थाहरुले शेयर सदस्यहरुको आर्थिक, सामाजिक तथा राजनैतिक क्षेत्रको विकासमा काम गर्नु पर्नेमा जोड दिएका छन । 
राष्ट्रिय सहकारी बैक, हेटौंडा शाखाले शुक्रवार हेटौडामा आयोजना गरेको सदस्य भेला तथा अन्तरक्रिया कार्यक्रमका सहभागीहरुले राज्यले सहकारी संस्थाहरुलाई अनावश्यक कर लगाएर दुःख दिएको बताए । अन्तरक्रिया कार्यक्रममा राष्ट्रिय सहकारी बैंक हेटौडा शाखाका प्रमुख रामेश्वर अर्यालले सहकारी बैकको आर्थिक तथा बैंकले गरिरहेका विभिन्न कामहरुको बारेमा जानकारी गराएका थिए । 
राष्ट्रिय सहकारी महासंघका संचालक सदस्य बद्रीप्रसाद लम्सालको प्रमुख आतिथ्यता एवम राष्ट्रिय सहकारी बैक हेटौडाका अध्यक्ष नारायणप्रसाद देवकोटाको अध्यक्षतामा अन्तरक्रिया भएको थियो । अन्तरक्रिया कार्यक्रममा राष्ट्रिय सहकारी बैककी लेखा सदस्य तारा गुरुङ, हेटौडा शाखाका सदस्य हिमाल पौडेल, जानकी चौधरी, विष्णुमाया लामा, नेफ्स्कुन फिल्ड कार्यालय हेटौडाका सल्लाहकार विरेन्द्रप्रसाद ढुङगाना, मकवानपुर जिल्ला बहुउद्धेश्यीय सहकारी संघका अध्यक्ष रामहरी न्यौपाने, जिल्ला सहकारी संघका सचिव राजु गौतम, विभिन्न सहकारी संस्थाका अध्यक्ष, व्यवस्थापक लगायतको सहभागिता रहेको थियो ।
राष्ट्रिय सहकारी बैक, हेटौडा शाखाको आव ०७५/०७६ मा शेयर पूँजी २ करोड ४ लाख, निक्षेप ६८ करोड, ऋण लगानी ५५ करोड रहेको छ भने २ सय ८५ सहकारी संस्थाहरु आवद्ध रहेको बैकले जनाएको छ ।