सिर्जनशिल सहकारीको साधारणसभा सम्पन्न

५ पुस, हेटौंडा । मकवानपुरगढी–४ मा रहेको सिर्जनशिल समाज बचत तथा ऋण सहकारी संस्थाको १३ औं वार्षिक साधारणसभा शनिवार सम्पन्न भएको छ । 
साधारणसभामा संस्थाका अध्यक्ष कृष्ण बिडारीले संस्थागत प्रतिवेदन, उपाध्यक्ष एवम ऋण उपसमितिका संयोजक ईन्द्रप्रसाद चौलागाईले ऋण उपसमितिको प्रतिवेदन, कोषाध्यक्ष माधवप्रसाद चौलागाईले लेखापरीक्षण प्रतिवेदन र लेखासमितिका संयोजक शिवराम फुयाँलले लेखा समितिको प्रतिवेदन प्रस्तुत गरेका थिए । 
साधारणसभामा उत्कृष्ठ बालबचतमा समृद्धि पुडासैनी, धेरै निक्षेप जम्मा गर्नेमा डोलप्रसाद चौलागाई, असली ऋणीमा हरिचन्द्र सापकोटा, उद्यमशिल ऋणीमा शंकर गुरुङ, ज्येष्ठ शेयर सदस्यमा मानबहादुर लोप्चन, उत्कृष्ठ विद्यार्थीमा प्रस्तुती चौलागाई, अभिलाषा धिताल र उत्कृष्ठ कर्मचारीमा व्यवस्थापक बिमला न्यौपानेलाई सम्मानित गरिएको थियो । यसैगरी एकैदिन एकाघरकोे सदस्यता बन्ने र पूर्व संचालक समितिका पदाधिकारीहरुलाई समेत सम्मानित गरिएको थियो ।
प्रदेश नम्बर ३ की प्रदेश सभा सांसद जुनेली श्रेष्ठको प्रमुख आतिथ्यता एवम संस्थाका अध्यक्ष कृष्ण बिडारीको सभाध्यक्षतामा साधारणसभा भएको थियो । साधारणसभामा मकवानपुरगढी–४ का वडा अध्यक्ष रामप्रसाद तिमल्सिना, मकवानपुर जिल्ला बचत तथा ऋण सहकारी संघका संचालक सदस्य हिमाल पौडेल, हिमाल महिला बहुउद्धेश्यीय सहकारीकी अध्यक्ष जानुका दाहाल, रुद्र बाटिका स्मृति पार्ककी अध्यक्ष मानकुमारी पाख्रिन, मनकामना दुग्ध उत्पादक सहकारीका अध्यक्ष कृष्णप्रसाद दाहाल, संस्थाका सल्लाहकार खिलप्रसाद चौलागाई, सञ्चारकर्मी भीमसेन पौडेल, एमपी शर्मा, मनोज देवकोटा, संस्थाका सचिव शान्तप्रसाद दाहाल लगायतकाले मन्तव्य व्यक्त गरेका थिए । 
संस्थाको शेयर पूँजी २४ लाख ४७ हजार, निक्षेप १ करोड ९६ लाख र ऋण लगानी २ करोड १७ लाख रहेको व्यवस्थापक विमला न्यौपानेले बताईन् । संस्थामा महिला ३ सय ३३ र पुरुष ३२७ गरी कुल ६ सय ६० जना शेयर सदस्यहरु रहेका छन् ।