चुच्चेखोला सहकारीको १४ औं साधारणसभा सम्पन्न

५ पुस, हेटौँडा । हेटौँडा–१७ मा रहेको चुच्चेखोला सामुदायिक वन उपभोक्ता बचत तथा ऋण सहकारी संस्था लिमिटेडको १४ औं साधारणसभा सम्पन्न भएको छ ।
हेटौँडा वडा नम्बर १७ का वडा अध्यक्ष भैरवबहादुर राईको प्रमुख आतिथ्यता एवं संस्थाका अध्यक्ष लक्ष्मण कटुवालको सभाध्यक्षतामा कार्यक्रम भएको हो । कार्यक्रममा अध्यक्ष कटुवालले संस्थागत प्रतिवेदन, लेखा सुपरिवेक्षण समिति संयोजक कुमारमणी दाहालले लेखा प्रतिवेदन र आव ०७५/०७६ को १ करोड ७९ लाख ४० हजार रुपैँयाको आर्थिक प्रतिवेदन, ऋण समिति संयोजक धनबहादुर गौतमले ऋण समिति प्रतिवेदन र व्यवस्थापक रिता फुँयालले आगामी आवका लागि २ करोड २५ लाखको अनुमानित आयव्यय प्रतिवदेन प्रस्तुत गरेका थिए ।
कार्यक्रममा संस्थापक संचालक समितिका सहसचिव गिता सापकोटा, सदस्य दामोदर तिमल्सिना, सदस्य कमला श्रेष्ठ, उत्कृष्ट बचतकर्ता हिरादेवी दाहाल, असल कारोबारी दुर्गाकुमारी चौलागाई, एसईईमा उत्कृष्ट अंक ल्याउने प्रभास घिमिरे र कृमेश पौडेललाई सम्मान गरिएको थियो ।
कार्यक्रममा चुच्चेखोला सामुदायिक वन समूहका अध्यक्ष एवं संस्थाका सल्लाहकार अर्जुनप्रसाद दाहाल, कामधेनु बहुद्देश्यीय सहकारी संस्था लिमिटेडका अध्यक्ष गौरबकुमार पराजुली, सम्मानितहरुको तर्फबाट कमला श्रेष्ठ, संस्थाका शिक्षा समिति संयोजक शालिकराम घिमिरे लगायतले मन्तव्य व्यक्त गरेका थिए ।