मनकामना सहकारीको भेला सम्पन्न

९ पुस, हेटौंडा । मकवानपुरगढी–३ मक्रान्चुलीमा रहेको मनकामना दुग्ध उत्पादक सहकारी संस्थाको ३२ औं वार्षिक साधारणसभा बुधवार सम्पन्न भएको छ । 
साधारणसभामा संस्थाका अध्यक्ष कृष्णप्रसाद दाहालले संस्थागत प्रतिवेदन र लेखा सुपरीवेक्षण समितिका संयोजक मधुसुदन देवकोटाले लेखा परीक्षण प्रतिवेदन प्रस्तुत गरेका थिए । प्रदेश नं. ३ का भूमि, व्यवस्था तथा सहकारी मन्त्री दावा दोर्जे लामाको प्रमुख आतिथ्यता एवम सहकारीका अध्यक्ष कृष्णप्रसाद दाहालको सभाध्यक्षतामा साधारणसभा भएको हो । 
साधारणसभामा मकवानपुरगढी–३ का वडा अध्यक्ष भागवत घिमिरे, केन्द्रीय दुग्ध उत्पादक सहकारी संघका अध्यक्ष नारायणप्रसाद देवकोटा, जिल्ला दुग्ध उत्पादक सहकारी संघका अध्यक्ष बासुदेव अधिकारी, जिल्ला सहकारी संघका अध्यक्ष बद्रीप्रसाद लम्साल,संस्थाका जिल्ला संघ प्रतिनिधि विष्णुप्रसाद न्यौपाने, चुचचेखोला सामुदायिक वनका अध्यक्ष अर्जुनप्रसाद दाहाल, भानु माविका अध्यक्ष खिलप्रसाद चौलागाई, रानी सामुदायिक वनका अध्यक्ष कृष्ण बिडारी, संस्थाका व्यवस्थापक बलराम हुमागाई लगायतले मन्तव्य व्यक्त गरेका थिए । 
संस्थामा ३ सय ७३ जना शेयर सदस्यहरु आवद्ध रहेका छन् ।