कपडा व्यवसायीद्वारा विद्यार्थीलाई स्विटर वितरण

१९ पुस, हेटौँडा । कपडा तथा तयारी पोशाक व्यवसायी संघ मकवानपुरले एक सामुदायिक विद्यालयका बिद्यार्थीलाई स्विटर वितरण गरेको छ । संघले शनिबार हेटौँडा–६ मा कुमल्टारमा रहेको श्रीकृष्ण आधारभुत विद्यालयका ६९ विद्यार्थीलाई स्विटर वितरण गरेको हो । 
हेटौँडा उपमहानगरपालिकाकी उपप्रमुख मिना लामाको प्रमुख आतिथ्यता एवं संघका अध्यक्ष समिरलाल डंगोलको सभाध्यक्षतामा कार्यक्रम भएको थियो । कार्यक्रममा संघका संस्थापक अध्यक्ष एवं हेटौँडा वडा नम्बर ५ का अध्यक्ष राजेश बानियाँ, १७ नम्बर वडाका अध्यक्ष भैरवबहादुर राई, ६ नम्बर वडाका कार्यवाहक अध्यक्ष राजकुमार बास्तोला, सदस्य रामहरी राई, संघका उपाध्यक्ष रविन्द्र घिमिरे, महासचिव देवराज अधिकारी, कोषाध्यक्ष नेत्रप्रसाद खतिवडा, सल्लाहकार अनिल अग्रवाल, दिपचन्द अग्रवाल, श्यामप्रसाद श्रेष्ठ, सदस्यहरु पवन दुलाल, चिराग अग्रवाल, जंगबहादुर बस्नेत लगायतको सहभागिता रहेको थियो ।
कार्यक्रममा व्यवसायीहरु अनिल अग्रवाल, पवन दुलाल र दिपचन्द अग्रवालले ५ जना विद्यार्थीलाई ५ बर्षसम्म पोशाक सहयोग गर्ने प्रतिवद्धता व्यक्त गरेका थिए भने अध्यक्ष समिरलाल डंगोलले ५ बर्षसम्म ५ जना बिद्यार्थीलाई स्टेशनरी सहयोग गर्ने प्रतिवद्धता व्यक्त गरेका थिए । विपन्न, दलित र जनजाति समुदायका विद्यार्थीहरु अध्ययन गर्ने विद्यालयमा प्राप्त सहयोगले विद्यार्थीको अध्ययनमा टेवा पुग्ने प्रधानाध्यापक मन्दिरा घिमिरेले बताईन् ।