कामधेनु सहकारीबाट विभिन्न व्यक्तित्व सम्मानित

२६ पुस, हेटौँडा । हेटौडा–६, चुच्चेखोलामा रहेको कामधेनु बहुउद्धेश्यीय सहकारी संस्थाको २१ औं वार्षिक साधारणसभा शनिवार सम्पन्न भएको छ । 
साधारणसभामा संस्थाका अध्यक्ष गौरबकुमार पराजुलीले संस्थागत प्रतिवेदन, ऋण उपसमितिका संयोजक उदयप्रकाश दहालले ऋण उपसमितिको प्रतिवेदन, लेखा सुपरीवेक्षण समितिका संयोजक केदारप्रसाद गौतमले लेखा समितिको प्रतिवेदन र व्यवस्थापक भीमसेन पौडेलल चालु आव ०७६/०७७ को लागि २ करोड ४२ लाखको अनुमानित आयव्यव विवरण प्रस्तुत गरेका थिए । 
नेपाली कांग्र्रेस ३ नम्बर प्रदेश संसदीय दलका नेता माननीय ईन्द्र बानियाँको प्रमुख आतिथ्यता एवं सहकारीका अध्यक्ष गौरबकुमार पराजुलीको अध्यक्षतामा साधारणसभा भएको थियो । साधारणसभामा संस्थाका ज्येष्ठ शेयर सदस्य हिरादेवी दहाल, गंगाप्रसाद सिग्देल, संचारकर्मी विजय पौडेल, उत्कृष्ठ कारोवारी गायत्री राई, छमकुमारी सुवेदी, उत्कृष्ठ बालबचतमा सुशान्त सुवेदी र ग्रिस्मा कट्टेललाई पुरस्कृत गरिएको थियो । यसैगरी भवन निर्माण समितिका सदस्य अम्विका सापकोटा, धनबहादुर गौतम, राजकुमार विडारी, व्यवस्थापक भीमसेन पौडेल र संस्थागत रुपमा सहयोग गर्ने रानी सामुदायिक वन उपभोक्ता समूहलाई समेत सम्मानित गरिएको थियो । 
 साधारणसभामा हेटौडा–६ का वडा अध्यक्ष अर्जुनप्रसाद चौलागाई, १७ का वडा सदस्य टिकाप्रसाद तिमल्सिना, जनकल्याण सहकारीका अध्यक्ष हिमाल पौडेल,संस्थाका सल्लाहकार बासुदेव सापकोटा, उदय विडारी, रानी सामुदायिक वनका अध्यक्ष कृष्ण विडारी, चुच्चेखोला सामुदायिक वनका अध्यक्ष अर्जुनप्रसाद दाहाल, टोल विकास संस्था वडा समन्वय समिति, हेटौडा–६ का अध्यक्ष केशव धिताल,नारीचेतना सहकारीकी उपाध्यक्ष कमला श्रेष्ठ, संचालक सदस्य मन्दिरा घिमिरे, व्यवस्थापक भीमसेन पौडेल लगायतले मन्तव्य व्यक्त गरेका थिए ।