नारीचेतनाको १६ औं साधारणसभा सम्पन्न

२६ पुस, हेटौँडा । हेटौडा–६, चुच्चेखोलामा रहेको नारीचेतना बचत तथा ऋण सहकारी संस्थाको १६ औं वार्षिक साधारणसभा शनिवार सम्पन्न भएो छ । 
साधारणसभामा संस्थाकी अध्यक्ष ज्ञानु अर्यालले संस्थागत प्रतिवेदन, सचिव राधिका विडारीले प्रगति प्रतिवेदन, कोषाध्यक्ष शर्मिला ढकालले लेखापरीक्षण प्रतिवेदन, लेखा सुपरीवेक्षण समितिकी संयोजक रीता गौतमले लेखासमितिको प्रतिवेदन र व्यवस्थापक मोदकुमारी दहालले चालु आव ०७६/०७७ को लागि करीव २ करोडको अनुमानित बजेट प्रस्तुत गरेका थिए ।
साधारणसभामा ज्येष्ठ शेयर सदस्य मिठुदेवी रिमाल, उत्कृष्ठ कारोवारीमा कविता श्रेष्ठ र बालबचतमा अनुश्रीया तिमल्सिनालाई पुरस्कृत गरिएको थियो । हेटौडा–६ का वडा अध्यक्ष अर्जुनप्रसाद चौलागाईको प्रमुख आतिथ्यता एवम संस्थाकी अध्यक्ष ज्ञानु अर्यालको सभाध्यक्षतामा साधारणसभा भएको थियो । 
भेलामा नारीचेतनाकी केन्द्रीय अध्यक्ष सिर्जना पौडेल, लेखा अधिकृत अन्जु घिमिरे, मकवानपुर जिल्ला बचत तथा ऋण सहकारी संघका सहसचिव विजय बहादुर बस्नेत, कामधेनु बहुउद्धेश्यीय सहकारीका कोषाध्यक्ष चेतनाथ खतिवडा, चुच्चेखोला सामुदायिक वनकी कोषाध्यक्ष कल्पना पराजुली, प्रगतिशिल महिला आपसी विकास संस्थाकी उपाध्यक्ष गायत्री घिमिरे, संचारकर्मी भीमसेन पोडेल, निला चौलागाई लगायतले मन्तव्य व्यक्त गरेका थिए ।