कालीदेवी दुग्ध सहकारीको भेला सम्पन्न

२९ पुस, हेटौँडा । मकवानपुरगढी–४ कालीदेवी दुग्ध उत्पादक सहकारी संस्थाको २४ औं वार्षिक साधारणसभा मंगलवार सम्पन्न भएको छ ।
साधारणसभामा संस्थाका अध्यक्ष अर्जुृनप्रसाद सापकोटाले संस्थागत प्रतिवेदन, लेखा सुपरीवेक्षण समितिका संयोजक मेरबहादुर पाख्रिनले लेखा परीक्षण प्रतिवेदन र ऋण उपसमितिका संयोजक हरिशरण दहालले ऋण उपसमितिको प्रतिवेदन प्रस्तुत गरेका थिए । बागमती प्रदेशका सांसद प्रेमबहादुर पुलामीको प्रमुख आतिथ्यता एवं सहकारीका अध्यक्ष अर्जुनप्रसाद सापकोटाको सभाध्यक्षतामा साधारणसभा भएको थियो ।
साधारणसभामा संस्थाबाट धेरै दूध खरीद गर्ने कपिल पोखरेल, सफा दूध विक्री गर्ने संगीता विडारी, गुणस्तरीय दूध विक्री गर्ने विष्णुप्रसाद चौलागाई, मेहनती कृषक हरिप्रसाद लम्साल, धेरै दूध विक्री गर्ने बद्री सापकोटा, ज्येष्ठ शेयर सदस्य होमनाथ खतिवडा, उत्कृष्ठ ऋणीमा नारायणप्रसाद चौलागाई र धेरै रकम बचत गर्ने सूर्यबहादुर पाख्रिनलाई सम्मान गरिएको थियो । 
साधारणसभामा मकवानपुरगढी गाउँपालिका ३ का वडा अध्यक्ष भागवत घिमिरे, ४ का वडा अध्यक्ष रामप्रसाद तिमल्सिना, मकवानपुरगढी गाउँपालिका पशु शाखा प्रमुख सत्यनारायण साह, मनकामना दुग्ध उत्पादक सहकारीका अध्यक्ष कृष्णप्रसाद दाहाल, रानी सामुदायिक वनका अध्यक्ष कृष्ण विडारी, सहिद रुद्र पाख्रिन स्मृति बाटिकाकी अध्यक्ष मानकुमारी पाख्रिन, संस्थाका सल्लाहकार विष्णुप्रसाद न्यौपाने लगायतकाले मन्तव्य व्यक्त गरेका थिए ।