नौलो विहानीको अध्यक्षमा सापकोटा चयन

२५ माघ, हेटौडा । हेटौडा–६, चौघडामा रहेको नौलो विहानी कृषि सहकारी संस्थाको अध्यक्षमा भरत सापकोटा चयन भएका छन् । यस अघि सापकोटा संस्थाको उपाध्यक्ष थिए । 
संस्थाको शनिवार सम्पन्न भएको नवौं वार्षिक साधारणसभाले सापकोटाको अध्क्षतामा ७ सदस्यीय नयाँ संचालक समिति चयन गरेको हो ।समितिको उपाध्यक्षमा डोरबहादुर अधिकारी, सचिवमा किशोर न्यौपाने, कोषाध्यक्षमा देवेन्द्र श्रेष्ठ र सदस्यहरुमा सरस्वती पुडासैनी, पार्वती खनाल र धनेन्द्र विष्ट चयन भएका हुन ।  लेखा सुपरिवेक्षण समितिको संयोजकमा गोपालचन्द्र भट्टराई, सदस्यहरुमा यशोदा भट्टराई र राजिव खनाल चयन भएका छन् ।
साधारणसभामा अध्यक्ष राजेन्द्रप्रसाद चौलागाईले संस्थागत प्रतिवेदन, उपाध्यक्ष भरत सापकोटाले ऋण उपसमितिको प्रतिवेदन, कोषाध्यक्ष देवेन्द्र श्रेष्ठले आर्थिक प्रतिवेदन र लेखा समितिका संयोजक गोपालचन्द्र भट्टराईले लेखा समितिको प्रतिवेदन प्रस्तुत गरेका थिए । भेलामा संस्थाको गतिविधिको बारेमा प्रचारप्रसार गराई संस्थाको बारेमा प्रचारप्रसारमा महत्वपूर्ण भूमिका निर्वाह गरेकाले सञ्चारकर्मी भीमसेन पौडेल र रुपेश दुलाललाई सम्मान गरिएको थियो । यसैगरी असली ऋणीमा भवानी न्यौपाने र मंगली मग्रान्ती, असली बचतकर्तामा रविना चौलागाई, रामकुमारी देवकोटा र शिव बहादुर राईलाई सम्मान गरिएको थियो । 
हेटौंडा उपमहानगरपालिका ६ का वडा अध्यक्ष अर्जुनप्रसाद चौलागाईको प्रमुख आतिथ्यता एवम संस्थाका अध्यक्ष राजेन्द्रप्रसाद चौलागाईको सभाध्यक्षतामा साधारणसभा भएको थियो ।
साधारणसभामा मकवानपुर जिल्ला दुग्ध उत्पादक सहकारी संघका अध्यक्ष बासुदेव अधिकारी, सामुदायिक वन उपभोक्ता महासंघ, मकवानपुरका अध्यक्ष साधुराम चौलागाई, मक्रान्चुली सहकारी संस्थाका अध्यक्ष रामहरि न्यौपाने, जनकल्याण बचत तथा ऋण सहकारीका अध्यक्ष हिमाल पौडेल, कामधेनु बहुउद्धेश्यीय सहकारीका अध्यक्ष गौरबकुमार पराजुली, संस्थाका सचिव विष्णुप्रसाद ढुङगाना लगायतले मन्तव्य व्यक्त गरेका थिए ।

यो पनि पढ्नुस्
प्रष्टखबर सम्पादक दुलाल र संवाददाता पौडेल सम्मानित