बागमती गोल्डकप जावलाखेलको पोल्टामा

११फागुन,हेटौंडा।मकवानपुरको बागमती गाउँपालिकामा जारी तेस्रो बागमती गोल्डकपको उपाधि जावलाखेल युव क्लबको पोल्टामा पार्न सफल भएको छ।

गाउँपालिका ८ स्थित जनता माविको खेल मैदानमा आइतबार सम्पन्न फाइनल खेलमा हिमालयन शेर्पा क्लबलाई १ का विरुद्ध सुन्य गोलले पराजित गर्दै जावलाखेलले उपाधी माथि कब्जा जमाएको हो।

जारी खेलको पहिलो हाफ गोलरहित बराबरीमा सकिए पनि दोस्रो हाफ सुरु भएको ४ मिनेटमा जावलाखेलका ड्याडी जुनियरले हिमालय शेर्पा क्लबको पोष्टमा सान्दार गोल गरेका थिए।

हिमालय शेर्पा क्लबले गोल फर्काउन थुप्रै अवसर प्राप्त गर्दा समेत गोल फर्काउन नसकेपछि हार बेहोर्न बाध्य भएको हो। गोल्डकपको विजेता बनेसंगै जावलाखेलले ६ लाख नगद सहित शिल्ड र मेडल प्राप्त गरेको छ भने उपविजेतामा चित्त बुझाएको हिमालयनलेे ३ लाख सहित शिल्ड र मेडल प्राप्त गरेको छ । 

खेलको म्यान अफ द म्याच जावलाखेलका दिलेन मोक्तान भएका छन्, उनले नगद ५ हजार प्राप्त गरेका छन्।त्यसैगरी प्रतियोगितको सर्बोत्कृष्ट खेलाडीमा जावलाखेलका अदा म डुम्बिया  सावित भएका छन्। उनले नगद ५० हजार प्राप्त गरेका छन् ।प्रतियोगितको उत्कृष्ट फरवार्ड जावलाखेलका सुजित बुढाथोकी, उत्कृष्ट डिफेन्डर शेर्पाका मानबहादुर तामाङ भए भने उत्कृष्ट गोलकिपर जावलाखेलकाका अरुण ब्लोन घोषि भए । त्यस्तै उत्कृष्ट मिडफिल्डर जावलाखेलका सुरज ठकुरी भए भने उत्कृष्ट कोच जावलाखेलका किशोर केसि सविता भएका छन् । उनीहरुले क्रमशः १० हजार रुपैयाँ प्रप्त गरेका छन् ।