खिजिदेम्बा अल्ट्रा म्याराथनको दोस्रो संस्करण: पुरुष उपाधि गुरुङलाई,महिला उपाधि भण्डारीलाई

१९फागुन,ओखलढुङ्गा। खिजिदेम्बा अल्ट्रा म्याराथनको दोश्रो संस्करणको उपाधि गोरखाका ३७ बर्षिय भिमबहादुर गुरुङले हात पारेका छन्। ओखलढुंगाको खिजिदेम्बा गाउँपालिकामा आयोजित पुरुष तर्फको फुल म्याराथन तर्फ निधारण गरेको  ४२ किलोमिटर दूरी तिन घण्टा ४९ मिनेटमा पार गर्दै गुरुङले उपाधि माथि कब्जा जमाएका हुन।

त्यसैगरी नेपाली सेनाकी धावक जुम्लाकी रोजिना भण्डारीले  निर्धारण गरेको ४२ किलोमिटर दुरी चार घण्टा ५८ मिनेटमा  पूरा गर्दै महिलातर्फको विजेता बन्न सफल भएकि छिन। 

त्यसैगरी पुरुषतर्फको दोस्रोमा  गोपाल तामाङ भएका छन् । उनले ४ घण्टा तीन मिनेटमा निर्धारित दूरी पार गरेक थिए। त्यसैगरी दुर्गा बुढाले चार घण्टा पाँच मिनेटमा निर्धारित दूरी पार गर्दै तेश्रो भएका छन् ।त्यसैगरी महिलातर्फ गत बर्षकी विजेता हुमी बुढामगरले पाँच घण्टा १८ मिनेटमा  निर्धारण दुरी पुरा गर्दै   दोश्रो स्थानमा चित्त बुझाएकि छिन। स्थानीय धाविका सविना तामाङ पाँच घण्टा ३२ मिनेटमा दौड पूरा गर्दै तेश्रो भइन  । 

म्याराथनमा पुरुष २४ र महिला १२ गरी जम्मा ३५ जना प्रतियोगीले सहभागिता जनाएका थिए।  विजेताहरुले विधागत रुपमा क्रमशः ७० हजार, ५५ हजार, ४० हजार, ६ हजार र ४ हजार नगद पुरस्कार प्राप्त गरेका छन् । समुन्द्री सतहदेखि दुई हजार दुई सय मिटर उचाइबाट दौड सुरु भई ३ हजार ६ सय मिटर दूरी पार गर्दै पुनः २ हजार २ सय मिटरमै पुगेर समापन भएको थियो।