वाईसिएल जिल्ला अध्यक्षमा पाख्रिन र नगरमा गजुरेल

८ चैत, हेटौँडा । नेकपा माओवादी केन्द्रको भातृ संगठन योङ कम्युनिष्ट लिग (वाईसिएल) मकवानपुर अध्यक्षमा सुमन पाख्रिन चयन भएका छन् ।
दुई दिनसम्म चलेको एकताको दोस्रो सम्मेलनबाट पाख्रिनको नेतृत्वमा सर्वसम्मत रुपमा नयाँ कमिटि चयन गरेको हो । सम्मेलनपछि मंगलबार पत्रकार सम्मेलन गरी फ्रयाक्सन इन्चार्ज प्रकाश पाण्डेले नयाँ कार्यसमितिबारे जानकारी दिएका छन् ।
नयाँ कमिटिको बरिष्ठ उपाध्यक्षमा शंकर राउत, उपाध्यक्षहरुमा अरुण बल, राज मोक्तान, सचिव लवराज ठकुरी, सहसचिव सन्तोष श्रेष्ठ, कमल अर्याल, गंगाराम प्रजा, कोषाध्यक्षमा प्रकाश थापा लगायत ६५ सदस्य रहेका छन् ।
सम्मेलनले हेटौँडा नगर अध्यक्षमा अभिनास गजुरेल, उपाध्यक्षमा आलोक स्यांतान र सचिवमा दिनेश बानियाँ लगायत ५१ सदस्यीय समिति गठन गरेको छ ।
त्यसैगरी, सम्मेलनबाट माधव कोइरालाको संयोजकत्वमा हस्तबहादुर स्यांतान, भरत तितुङ, भीम थोकर, भुवन खनाल, जीवन थिङ रहेका छन् ।
जिल्ला सम्मेलनले प्रकाश पाण्डे, विनायक गोले, जीवन गोले, इन्द्र थिङ, सुमन पाख्रिन, जीवन थिङलाई राष्ट्रिय सम्मेलन प्रतिनिधि चयन गरेको छ ।
सम्मेलनमा जिल्लाभरीका एक ७७ जना जिल्ला प्रतिनिधिको सहभागिता रहेको थियो ।