वनडढेलो नियन्त्रण सञ्जालमा लामा

९ चैत, हेटौडा । वनलाई वनडढेलोबाट बचाउन सुन्दर सामुदायिक वन उपभोक्ता समूहका अध्यक्ष कमल लामाको अध्यक्षतामा २० सदस्यीय वनडढेलो नियन्त्रण सञ्जाल गठन गरिएको छ । हेटौडा इलाका वन कार्यालयको आयोजनामा बुधवार हेटौडामा भएको अन्तरक्रिया कार्यक्रममा लामाको अध्यक्षतामा सञ्जाल गठन गरिएको हो ।  

सञ्जालको सहसंयोजकमा सूर्यबहादुर घलान, सचिवमा भीमसेन पौडेल,कोषाध्यक्षमा ईन्दु स्याङतान रहेका छन् । यसैगरी सामुदायिक वन उपभोक्ता महासंघकी अध्यक्ष पञ्चमाया स्याङतान, हेटौडा ईलाका वन कार्यालयकी सहायक वन अधिकृत राधिका शर्मा, हेटौडा रेन्जपोष्ट महासंघका अध्यक्ष लक्ष्मणप्रसाद भण्डारी, हेटौडा ईलाका वन कार्यालयका फरेष्टर यदुकुमार घिमिरे, रानी सामुदायिक वनका अध्यक्ष विष्णुप्रसाद न्यौपाने, चुरेकाड सामुदायिक वनका अध्यक्ष मिनबहादु घलान र सुन्दर सामुदायिक वनका निवर्तमान अध्यक्ष केदारप्रसाद बत्र्तौला रहको अनुगमन तथा समन्वय समिति गठन गरिएको छ ।

सञ्जालले सामुदायिक वनलाई डढेलोबाट बचाउँन सबै सामुदायिक वनमा कार्यक्रम सञ्चालन गर्ने, वनडढेलो नियन्त्रणको लागि सञ्जालमा आवद्ध सामुदायिक वनहरुमा उपसमिति गठन गर्ने, स्थानीय सरोकारवाला संघसंस्थाहरु सँग समन्वय गर्ने, डढेलो नियन्त्रण सम्वन्धि जनचेतना तथा प्रचारप्रसार लगायतका कामहरु गर्ने सञ्जालका अध्यक्ष लामाले बताए ।