कोरोना जोखिमबाट बचाउन क्लासिकटेकद्वारा कर्मचारीलाई सुरक्षा पोशाक

२८ चैत, हेटौंडा । नेपालको विश्वसनीय इन्टरनेट सेवा प्रदायक क्लासिकटेकले आफ्ना कर्मचारीलाई कोरोना संक्रमणको जोखिमबाट बचाउन व्यक्तिगत सुरक्षा पोशाक प्रदान गरेको छ । क्लासिकटेकले फिल्डमा खटिने सर्पोट टिमका कर्मचारीलाई कोरोना जोखिमबाट जोगाउन सुरक्षा पोशाक प्रदान गरेको हो । 
सेवाग्राहीको घरदेखि कर्पोरेट क्षेत्रको इन्टरनेट सेवामा आउने समस्या समाधानमा खटिने ‘सर्पोट टास्क फोर्स स्टाफ’ को स्वास्थ्यमा विशेष प्राथमिकता दिंदै यस्तो पोशाक प्रदान गरेको क्लासिकटेकले जनाएको छ । कोरोनाको जोखिमबाट बच्ने उपायहरु समेत उनीहरुलाई जानकारी दिईएको छ । ‘कोरोनाको जोखिम उच्च रहेको अवस्थामा पनि सेवालाई निरन्तरता दिन हामीले दिनरात सपोर्ट स्टाफ परिचालन गरेका छौं ।’–क्षेत्रीय प्रवन्धक निलाम्बर सापकोटाले भने–‘मर्मतका लागि पोलदेखि ग्राहकको घरसम्म पुग्ने उनीहरुलाई कोरोनाको जोखिम रोक्न पोशाक उपलव्ध गराईएको छ ।’ 
क्लासिकटेकको ग्राहकलाई लकडाउनको समयमा इन्टरनेटको सुविधाबाट बन्चित हुन नपरोस् भन्नेमा सचेत रहेको बताउँदै सापकोटाले यसका लगि कर्मचारीको स्वास्थ्यको सुरक्षाका साथै सेवाग्राहीको सन्तुष्टिलाई पुरै ध्यान दिएको बताए ।