एक दिनमा विश्भर ७१ हजार बढी नयाँ संक्रमित थपिए

२ बैशाख, हेटौंडा । पछिल्लो २४ घण्टामा कोरोना भाइरस (कोभिड–१९)बाट संक्रमित भएकाहरुको संख्या ७१ हजार २ य ८८ पुगेको छ । 
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार संक्रमितिको संख्या सबैभन्दा बढी अमेरिकामा रहेका छ । 
यहाँ पछिल्लो २४ घण्टामा २६ हजार ४ सय ४१ जना नयाँ कोरोना संक्रमित थपिएका छन् । यो सँगै अमेरिकामा कुल ५ लाख ८६ हजार ९ सय ४१ जना संक्रमित पुगेका छन् । 
पछिल्लो समय नयाँ संक्रमित थपिने मुलुकमा बेलायत पनि अगाडी रहेको छ । यहाँ पछिल्लो २४ घण्टामा अमेरिका पछि सबैभन्दा धेरे नयाँ संक्रमित थपिएका छन् । बेलायतमा ४ हजार ३ सय ४२ नयाँ संक्रमित थपिएका छन् । यस्तै फ्रान्समा ४ हजार १८८ संक्रमित थपिएका छन् । 
कुल संक्रमितको संख्यामा विश्वको दोश्रो स्थानमा रहेको स्पेनमा पछिललो २४ घण्टामा ३ हजार २ सय ६८ जना नयाँ संक्रमित थपिएका छन् । यहाँ केही समयबाट संक्रमितको संख्या घटिरहेको छ । 
यसैगरी विश्वको कुल संक्रमित संख्यामा तेश्रो स्थानमा रहेको इटालीमा ३ हजार १ सय ५३ जना नयाा कोरोना संक्रमित थपिएका छन् ।
यस्तै इटालीपछि टर्कीमा ४ हजार ९३, रसियामा २ हजार ५ सय ५८, पेरुमा २ हजार २ सय ६५, जर्मनीमा २ हजार २ सय १८, इरानमा १ हजार ६ सय १७, क्यानडामा १ हजार २ सय ९७, भारतमा १ हजार २ सय ४८, ब्राजिलमा १ हजार २ सय ३८ जना नयाँ संक्रमित थपिएका छन् ।