कोरोना कहरः एकैदिन ६ हजार ९७९ को मृत्यु 

३ बैशाख, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) को संक्रमणबाट मर्नेको संख्या १ लाख २६ हजार नाघेको छ ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमणका कारण मर्नेको संख्या १ लाख २६ हजार ५९७ पुगेको छ । पछिल्लो २४ घण्टामा मात्रै कोरोना संक्रमणबाट ६ हजार ९७९ जनाको मृत्यु भएको छ ।
यस्तै अहिलेसम्म कोरोना संक्रमणबाट विश्वभर कुल १९ लाख ९७ हजार ६६६ जना मासिन संक्रमित भएका छन् । पछिल्लो २४ घण्टामा मात्रै ७३ हजार ७२९ जना नयाँ कोरोना संक्रमित थपिएका छन् ।
संक्रमितहरु मध्ये ठूलो संख्यामा उपचारपछि निको पनि भएका छन् । पछिल्लो तथ्यांक अनुसार ४ लाख ७८ हजार ५०३ जना उपचारपछि निको भएका छन् ।
यस्तै भाइरसका संक्रमणका कारण अहिले ५१ हजार ५९२ जना गम्भीर अवस्थामा उपचार गराइरहेका छन् भने १३ लाख ४० हजार ९७४ जनाको अवस्था मध्यम रहेको छ । 
कोरोनाको संक्रमणबाट सबैभन्दा बढी मानिसको मृत्यु अमेरिकामा भएको छ । अमेरिकामा ज्यान गुमाउँनेको संख्या २६ हजार ९४५ पुगेको छ । पछिल्लो २४ घण्टामा यहाँ थप २ हजार ४०७ जनाको मृत्यु भएको छ । 
अमेरिकापछि अहिलेसम्म इटलीमा सबैभन्दा बढीको कोरोना संक्रमणबाट ज्यान गएको छ । यहाँ थप ६०२ जनाको मृत्यु भएपछि कुल मृत्यु हुनेको संख्या २१ हजार ६७ पुगेको छ ।
यसैगरी कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या १८ हजार २५५ पुगेको छ । स्पेनमा पछिल्लो २४ घण्टामा ४९९ जना थप मानिको मृत्यु भएको छ ।
यसैगरी लगातार मृतक र नयाँ संक्रमित बढिरहेको फ्रान्समा पछिल्लो २४ घण्टामा ७६२ जनाले ज्यान गुमाएपछि यहाँ मर्नेको संख्या १५ हजार ७२९ पुगेको छ । 
यसैगरी कोरोना भाइरसको संक्रमणबाट बेलायतमा १२ हजार १०७ जनाको मृत्यु भइसकेको छ । यहाँ पनि पछिल्लो समयमा मृतकको संख्यामा बृद्धि भइरहेको छ । बेलायतमा एकैदिन थप ७७८ जनाको मृत्यु भएको छ । 
यसैगरी मध्यपूर्वी एसियाली मुलुक इरानमा ४ हजार ६८३, बेल्जियममा ४ हजार १५७, जर्मनीमा ३ हजार ४९५, नेदरल्याण्डसमा २ हजार ९४५, ब्राजिलमा १ हजार ५३२, टर्कीमा १ हजार ४०३ र स्विटजरल्याण्डमा १ हजार १७४ जनाले ज्यान गुमाएका छन् ।
कोरोना भाइरसको उदगमस्थन चीनमा थोरै संख्यामा मात्रै संक्रमित ज्यान गुमाउनेको संख्या थोरैमात्र थपिएको छ । यहाँ अहिलेसम्म ३ हजार ३४२ जनाले ज्यान गुमाएका छन् ।