कोरोना कहरः मृत्यु हुनेको संख्या  १ लाख ५४ हजार नाघ्यो

६ बैशाख, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) को संक्रमणबाट मर्नेको संख्या १ लाख ५४ हजार नाघेको छ ।
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमणका कारण मर्नेको संखया १ लाख ५४ हजार १ सय ४५ पुगेको छ । पछिल्लो २४ घण्टामा मात्रै संक्रमणबाट ८ हजार ६ सय ७२ जनाको मृत्यु भएको छ ।
यस्तै अहिलेसम्म कोरोना संक्रमणबाट विश्वभर कुल २२ लाख ४८ हजार ८ सय ९१ जना मासिन संक्रमित भएका छन् । पछिल्लो २४ घण्टामा मात्रै ८६ हजार ५ सय २४ जना नयाँ कोरोना संक्रमित थपिएका छन् ।
संक्रमितहरु मध्ये ठूलो संख्यामा उपचारपछि निको पनि भएका छन् । पछिल्लो तथ्यांक अनुसार ५ लाख ७१ हजार ५ सय ७३ जना उपचारपछि निको भएका छन् ।
यस्तै भाइरसका संक्रमणका कारण अहिले ५६ हजार ९ सय ६३ जना गम्भीर अवस्थामा उपचार गराइरहेका छन् भने १४ लाख ६६ हजार २ सय १० जनाको अवस्था मध्यम रहेको छ । 
कोरोनाको संक्रमणबाट पछिल्लो समय सबैभन्दा बढी मानिसको मृत्यु अमेरिकामा भएको छ । पछिल्लो २४ घण्टामा मात्रै अमेरिकामा अहिलेसम्म कै सबैभन्दा बढी २ हजार ५ सय ३५ जनाको मृत्यु भएको छ । यो सँगै अमेरिकामा ज्यान गुमाउँनेको संख्या ३२ हजार १ सय ६५ पुगेको छ । 
अमेरिकापछि अहिलेसम्म इटलीमा सबैभन्दा बढीको कोरोना संक्रमणबाट ज्यान गएको छ । यहाँ २२ हजार ७ सय ४५ जनाको मृत्यु भएको छ । पछिल्लो समय इटालीमा थप ५ सय ७५ जनाको मृत्यु भएको छ ।
यसैगरी कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या २० हजार २ पुगेको छ । स्पेनमा पछिल्लो २४ घण्टामा थप ६ सय ५७ जना मानिको मृत्यु भएको छ ।
यसैगरी फ्रान्समा पछिल्लो २४ घण्टामा ७ सय ६१ जनाले ज्यान गुमाएका छन् । यहाँ संक्रमणबाट मर्नेको संख्या १८ हजार ६सय ८१ पुगेको छ । 
यसैगरी कोरोना भाइरसको संक्रमणबाट बेलायतमा १४ हजार ५ सय ७६ जनाको मृत्यु भइसकेको छ । यहाँ पनि पछिल्लो समयमा मृतकको संख्यामा बृद्धि भइरहेको छ । बेलायतमा एकैदिन थप ८ सय ४७ जनाको मृत्यु भएको छ । 
यसैगरी बेल्जियममा ५ हजार १ सय ६३, मध्यपूर्वी एसियाली मुलुक इरानमा ४ हजार ९ सय ५८, जर्मनीमा ४ हजार ३ सय ५२, नेदरल्याण्डसमा ३ हजार ४ सय ५९, ब्राजिलमा २ हजार १ सय ४१ टर्कीमा १ हजार ७ सय ६९, स्विटजरल्याण्डमा १ हजार ३ सय २७ जनाले ज्यान गुमाएका छन् ।
कोरोना भाइरसको उदगमस्थन चीनमा संक्रमणबाट ज्यान गुमाउनेको संख्या ४ हजार ६ सय ३२ पुगेको छ । यहाँ एकैपटक १ हजार २ सय ९० जना मृतकको संख्या थपिएको हो । चिनिया स्वास्थ्य अधिकारीहरुले यसअघि फेला नपरेका र गणनामा छुटेका भन्दै १२ सय ९० जना मृतकको संख्यामा थपिएको जनाएका छन् ।