कोरोना कहरः मृतकको संख्या १ लाख ७० हजार नाघ्यो

९ बैशाख, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट मृतकको एक लाख ७० हजार नाघेको छ । 
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमणका कारण मर्नेको संखया १ लाख ७० हजार ४ सय २५ पुगेको छ । पछिल्लो २४ घण्टामा संक्रमणबाट ५ हजार ३ सय ६६ जनाको मृत्यु भएको छ । 
यस्तै अहिलेसम्म कोरोना संक्रमणबाट विश्वभर कुल २४ लाख ८१ हजार ४० जना मासिन संक्रमित भएका छन् । पछिल्लो २४ घण्टामा ७५ हजार ४ सय ७१ नयाँ संक्रमित थपिएका छन् ।
संक्रमितहरु मध्ये ठूलो संख्यामा उपचारपछि निको पनि भएका छन् । पछिल्लो तथ्यांक अनुसार ६ लाख ४६ हजार ७ सय ७४ जना उपचारपछि निको भएका छन् ।
यस्तै भाइरसका संक्रमणका कारण अहिले ५६ हजार ७ सय ६५ जना गम्भीर अवस्थामा उपचार गराइरहेका छन् भने १६ लाख ७ हजार ७६ जनाको अवस्था मध्यम रहेको छ । 
कोरोनाको संक्रमणबाट सबैभन्दा बढी मानिसको मृत्यु अमेरिकामा भएको छ । पछिल्लो २४ घण्टामा मात्रै अमेरिकामा १ हजार ९ सय ३९ जनाको मृत्यु भएको छ । यो सँगै अमेरिकामा ज्यान गुमाउँनेको संख्या ४२ हजार ५ सय १४ पुगेको छ । 
अमेरिकापछि अहिलेसम्म इटलीमा सबैभन्दा बढीको कोरोना संक्रमणबाट ज्यान गएको छ । यहाँ २४ हजार १ सय १४ जनाको मृत्यु भएको छ । पछिल्लो समय इटालीमा थप ४ सय ५४ जनाको मृत्यु भएको छ ।
यसैगरी कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या २० हजार ८ सय ५० पुगेको छ । स्पेनमा पछिल्लो २४ घण्टामा थप ३ सय ९९ जना मानिको मृत्यु भएको छ ।
यसैगरी फ्रान्समा पछिल्लो २४ घण्टामा ५ सय ४७ जनाले ज्यान गुमाएका छन् । यहाँ संक्रमणबाट मर्नेको संख्या २ण् हजार २ सय ६५ पुगेको छ । 
यसैगरी कोरोना भाइरसको संक्रमणबाट बेलायतमा १६ हजार ५ सय ९ जनाको मृत्यु भइसकेको छ । यहाँ पछिल्लो २४ घण्टामा ४ सय ४९ जनाको मृत्यु भएको छ । 
यसैगरी कोरोना भाइरसको संक्रमणबाट बेल्जियममा ५ हजार ८ सय २८, मध्यपूर्वी एसियाली मुलुक इरानमा ५ हजार २ सय ९, जर्मनीमा ४ हजार ८ सय ६२, नेदरल्याण्डसमा ३ हजार ७ सय ५१, ब्राजिलमा २ हजार ५ सय ८७, टर्कीमा २ हजार १ सय ३०, स्विटजरल्याण्डमा १ हजार ४ सय २९ जनाले ज्यान गुमाएका छन् ।
कोरोना भाइरसको उदगमस्थन चीनमा संक्रमणबाट ज्यान गुमाउनेको संख्या ४ हजार ६ सय ३२ पुगेको छ । यहाँ नयाँ सक्रमित र मृतकको संख्या पछिल्लो समय स्थिर रहेको छ ।