कोरोनाबाट अमेरिकामा एकैदिन १९ सय बढीको मृत्यु 

९ बैशाख, हेटौंडा । विश्वव्यापी महामारीको रुपमा फैलिरहेको कोरोना भाइरस अर्थात कोभिड १९ को मार खेपिरहेको अमेरिकामा संक्रमणबाट एकैदिन १ हजार ९ ३९ जनाको ज्यान गएको छ । 
विश्वका सबैभन्दा बढी मानिसको मृत्यु भएको अमेरिकामा यो सँगै कुल मृत्यु हुनेको संख्या ४२ हजार ५ सय १४ पुगेको छ ।
कोभिड १९ को तथ्याङक प्रस्तुत गरिरहेको वल्डोभिटर वेबसाइटका अनुसार अहिलेसम्म अमेरिकामा ७ लाख ९२ हजार ७ सय ५९ जना कोरोना भाइरसबाट संक्रमित भएका छन् । यहाँ एकैदिन थप २८ हजार १ सय २३ जना नयाँ संक्रमित थपिएका छन् ।
अमेरिकामा १३ हजार ९ सय ५१ जनाको अवस्था गम्भिर रहेको छन भने ७२ हजार ३ सय ८९ जना उपचारपछि स्वस्थ्य भएका छन् । 
अमेरिकाका पचास वटै राज्यमा कोरोना संक्रमण फैलिएकोमा न्युयोर्क राज्य सबैभन्दा बढी प्रभावित भएको छ । यहाँ अहिलेसम्म १८ हजार ९ सय २९ जनाको ज्यान गएको छ भने २ लाख ५२ हजार २ ९४ जना संक्रमित भएका छन । 
यसैगरी अमेरिकाको दोस्रो प्रभावित राज्यमा न्यूजर्सी रहेको छ । यहाँ ८८ हजार ८ सय ६ जना संक्रमित भएका छन भने ४ हजार ३ सय ७७ जनाको मृत्यु भएको छ । 
यस्तै अमेरिकाको मासाचुसेट राज्यमा ३९ हजार ६ सय ४३ जना संक्रमित छन भने १ हजार ८ सय ९ जनाको मृत्यु भएको छ । 
यसैगरी अमेरिकाका अन्य राज्यहरु मिचिगनमा २ हजार ४ सय ६८, लुसियानामा १ हजार ३ सय २८,  क्यालिफोर्नियामा १ हजार २ सय २३, इलिनोइसमा १ हजार ३ सय ४९, कनेक्टिकटमा १ हजार ३ सय ३१, पेन्सिलभानियामा १ हजार ३ सय ४८ जनाको मृत्यु भईसेकेको छ । 
कोरोना भाइरसको संक्रमणबाट अमेरिकाका अन्य राज्यमा पनि मृतक र नयाँ संक्रमितको संख्या दिनानुदिन बढीरहेको छ ।