कोरोना कहरः मृतकको संख्या १ लाख ७७ हजार नाघ्यो

१० बैशाख, हेटौंडा । विश्वभर महारामारीको रुपमा फैलिरहेको कोरोना भाइरस (कोभिड–१९) बाट मृतकको एक लाख ७७ हजार नाघेको छ । 
कोरोना भाइरसको तत्थ्याङक सार्वजनिक गरिरहेको वेवसाइट वल्डोमिटरका अनुसार अहिलेसम्म कोरोना संक्रमणका कारण मर्नेको संखया १ लाख ७७ हजार ६ सय ८ पुगेको छ । पछिल्लो २४ घण्टामा संक्रमणबाट ७ हजार ६२ जनाको मृत्यु भएको छ । 
यस्तै अहिलेसम्म कोरोना संक्रमणबाट विश्वभर कुल २५ लाख ५५ हजार ७ सय ४५ जना मासिन संक्रमित भएका छन् । पछिल्लो २४ घण्टामा ७५ हजार २ सय ४२ नयाँ संक्रमित थपिएका छन् ।
संक्रमितहरु मध्ये ठूलो संख्यामा उपचारपछि निको पनि भएका छन् । पछिल्लो तथ्यांक अनुसार ६ लाख ९० हजार २ सय २४ जना उपचारपछि निको भएका छन् ।
यस्तै भाइरसका संक्रमणका कारण अहिले ५७ हजार २ सय ५४ जना गम्भीर अवस्थामा उपचार गराइरहेका छन् भने १६ लाख ३१ हजार ३ सय ९१ जनाको अवस्था मध्यम रहेको छ । 
कोरोनाको संक्रमणबाट सबैभन्दा बढी मानिसको मृत्यु अमेरिकामा भएको छ । पछिल्लो २४ घण्टामा मात्रै अमेरिकामा २ हजार ८ सय ४ जनाको मृत्यु भएको छ । यो सँगै अमेरिकामा ज्यान गुमाउँनेको संख्या ४५ हजार ३ सय १८ पुगेको छ । 
अमेरिकापछि अहिलेसम्म इटलीमा सबैभन्दा बढीको कोरोना संक्रमणबाट ज्यान गएको छ । यहाँ २४ हजार ६ सय ४८ जनाको मृत्यु भएको छ । पछिल्लो समय इटालीमा थप ५ सय ३४ जनाको मृत्यु भएको छ ।
यसैगरी कोरोनासंग जुधिरहेको अर्को यूरोपेली मुलुक स्पेनमा ज्यान गुमाउनेको संख्या २१ हजार २ सय ८२ पुगेको छ । स्पेनमा पछिल्लो २४ घण्टामा थप ४ सय ३० जना मानिको मृत्यु भएको छ ।
यसैगरी फ्रान्समा संक्रमणबाट मृत्यु हुनेको संख्या २० हजार ७ सय ९६ पुगेको छ । यहाँ पछिल्लो २४ घण्टामा ५ सय ३१ जनाको ज्यान गएको छ ।
यसैगरी कोरोना भाइरसको संक्रमणबाट बेलायतमा १७ हजार ३ सय ३७ जनाको मृत्यु भइसकेको छ । यहाँ एकैदिन ८ सय २८ जनाको मृत्यु भएको छ । 
यसैगरी कोरोना भाइरसको संक्रमणबाट बेल्जियममा ५ हजार ९ सय ९८, मध्यपूर्वी एसियाली मुलुक इरानमा ५ हजार २ सय ९७, जर्मनीमा ५ हजार ८६, नेदरल्याण्डसमा ३ हजार ९ सय १६, ब्राजिलमा २ हजार ७ सय ४१, टर्कीमा २ हजार २ सय ५९, स्विटजरल्याण्डमा १ हजार ४ सय ७८ जनाले ज्यान गुमाएका छन् ।
कोरोना भाइरसको उदगमस्थन चीनमा संक्रमणबाट ज्यान गुमाउनेको संख्या ४ हजार ६ सय ३२ पुगेको छ । यहाँ नयाँ सक्रमित र मृतकको संख्या पछिल्लो समय स्थिर रहेको छ ।