कोरोनाबाट अमेरिकामा एकैदिन २८ सय बढीको मृत्यु 

१० बैशाख, हेटौंडा । विश्वव्यापी महामारीको रुपमा फैलिरहेको कोरोना भाइरस अर्थात कोभिड १९ को मार खेपिरहेको अमेरिकामा संक्रमणबाट एकैदिन २ हजार ८ सय ४ जनाको ज्यान गएको छ । 
यो संख्या अमेरिकामा एकैदिन मृत्यु हुने संक्रमितको संख्याको अहिले सम्मकै सबैभन्दा बढी हो । विश्वका सबैभन्दा बढी मानिसको मृत्यु भएको अमेरिकामा यो सँगै कुल मृत्यु हुनेको संख्या ४५ हजार ३ सय १८ पुगेको छ ।
कोभिड १९ को तथ्याङक प्रस्तुत गरिरहेको वल्डोभिटर वेबसाइटका अनुसार अहिलेसम्म अमेरिकामा ८ लाख १८ हजार ७ सय ४४ जना कोरोना भाइरसबाट संक्रमित भएका छन् । यहाँ एकैदिन थप २५ हजार ९ सय ८५ जना नयाँ संक्रमित थपिएका छन् ।
अमेरिकामा १४ हजार १६ जना संक्रमितको अवस्था गम्भिर रहेको छ भने ८२ हजार ९ सय २३ जना उपचारपछि स्वस्थ्य पनि भएका छन् । 
अमेरिकामा कोरोना संक्रमणबाट सबैभन्दा बढी न्युयोर्क राज्य प्रभावित भएको छ । यहाँ अहिलेसम्म १९ हजार ६ सय ९३ जनाको ज्यान गएको छ । यहाँ एकैदिन ७ सय ६४ जना संक्रमितको मृत्यु भएको छ । 
२ लाख ५६ हजार ५ सय ५५ जना संक्रमित रहेको न्युयोर्कमा एकैदिन ४ हजार ४ सय ६१ जना नयाँ संक्रमित थपिएका छन । 
यसैगरी अमेरिकाको दोस्रो प्रभावित राज्यमा न्यूजर्सी रहेको छ । यहाँ ९२ हजार ३ सय ८७ जना संक्रमित भएका छन भने ४ हजार ७स य ५३ जनाको मृत्यु भएको छ । 
यस्तै अमेरिकाको मासाचुसेट राज्यमा ४१ हजार १ सय ९९ जना संक्रमित छन भने १ हजार ९ सय ६१ जनाको मृत्यु भएको छ । 
यसैगरी अमेरिकाका अन्य राज्यहरु मिचिगनमा २ हजार ७ सय, लुसियानामा १ हजार ४ सय ५,  क्यालिफोर्नियामा १ हजार २ सय ९८, इलिनोइसमा १ हजार ४ सय ६८, कनेक्टिकटमा १ हजार ४ सय २३, पेन्सिलभानियामा १ हजार ६ सय १४ जनाको मृत्यु भईसेकेको छ । 
कोरोना भाइरसको संक्रमणबाट अमेरिकाका अन्य राज्यमा पनि मृतक र नयाँ संक्रमितको संख्या दिनानुदिन बढीरहेको छ ।