दक्षिण एसियाः कोरोनाबाट मर्नेको संख्या भारतमा बढी

१० बैशाख, हेटौंडा । विश्वभर महामारीको रुपमा फैलिरहेको कोरोना भाइरस कोभिड–१९ ले दक्षिण एसियाका देशहरुमा पनि महामारीको रुप लिएको छ ।
कोरोना सम्बन्धि तत्थ्याङक प्रस्तुत गरिरहेको वेबसाइट वल्डोमिटरका अनुसार दक्षिण एसियाली देशहरुमा भारतमा सबैभन्दा बढी संक्रमित र मृतकको संख्या भारतमा रहेको छ । 
दक्षिण एसियामा कोरोनाको संक्रमणबाट सबैभन्दा बढी भारतमा ६ सय ४५ जनाको मृत्यु भएको छ । पछिल्लो समय थप ५३ जनाको मृत्यु भएपछि भारतमा मर्नेको संख्या ६ सय ४५ पुगेको हो । 
यस्तै भारतमा संक्रमितको संख्या पनि दक्षिण एसियामा सबैभन्दा बढी छ । यहाँ कोरोना संक्रमितको संख्या २० हजार ८० पुगेको छ । पछल्लो २४ घण्टामा मात्रै यहाँ १ हजार ५ सय ४१ जना नयाँ संक्रमित थपिएका छन् । यस्तै भारतमा ३ हजार ९ सय ७५ जना उपचारपछि स्वस्थ्य भएका छन् । 
भारतपछि दक्षिण एसियामा कोरोनाको संक्रमणबाट मर्नेको संख्या पाकिस्तानमा बढी छ । पाकिस्तानमा अहिलेसम्म २ सय १ जनाको ज्यान गएको छ । यहाँ २४ घण्टामा २५ जनाको ज्यान गएको छ ।
यस्तै थप ६ सय ७३ जना नयाँ संक्रमित थपिएसँगै पाकिस्तानमा संक्रमितको कुल संख्या ९ हजार ५ सय ६५ पुगेको छ । 
यस्तै बंगलादेशमा कोरोना संक्रमणबाट १ सय १० जनाको मृत्यु भएको छ भने ३ हजार ३ सय ८२ जना संक्रमित भएका छन् । वितेको २४ घण्टामा यहाँ थप ९ जनाको ज्यान गएको छ भने ४ सय ३४ जना नयाँ संक्रमित थपिएका छन् ।
यसैगरी अर्को दक्षिण एसियाली मुलुक श्रीलंकामा कोरोनाका कारण अहिलेसम्म ७ जनाले ज्यान गुमाएका छन् भने ३ सय १० जना संक्रमित छन् । यहाँ पछिल्लो समय ६ जना नयाँ संक्रमित थपिएका छन् ।
दक्षिण एसियाली मुलुक माल्दिभ्स, र नेपालमा कोरोनाको संक्रमणबाट अहिलेसम्म कसैको पनि मृत्यु भएको छैन । तर यी दुई मुलुमा पछिल्लो समय संक्रमितको संखया विस्तारै बढीरहेको छ । 
कोरोना संक्रमणबाट माल्दिभ्समा अहिले सम्म ८६ जना संक्रमित भइसकेका छन् । यहाँ पछिल्लो समय १७ जना नयाँ संक्रमित थपिएका छन् ।
यस्तै नेपालमा कोरोना संक्रमितको संख्या ४२ पुगेको छ । पछिललो २४ घण्टामा नेपालमा ११ जना नयाँ संक्रमित थपिएका छन् । नेपालमा अहिलेसम्म ५ जना उपचार पछि निको भएका छन् ।
भुटानमा कोरोना संक्रमितको संख्या केही दिन यता निरन्तर स्थिर रहेको मा पछिल्लो २४ घण्टामा एकजना नयाँ संक्रमित थपिएपछि यहाँ कुल संक्रमितको संख्या ६ पुगेको छ । भुटानमा दुईजना उपचारपछि निको भएका छन भने ४ जनाको उपचार चलिरहेको छ ।