भ्रमण खर्च उपशिर्षकमा योजना, ९ अर्ब ७० करोड आर्थिक अनुशासन विपरित : तमाङ

१९ असार, हेटौंडा । बागमती प्रदेश सरकारले भ्रमण खर्च उपशिर्षकमा ९ अर्ब बढि रकम राखेको भन्दै संसदमा औचित्य पुष्टि गर्न प्रदेश सांसद प्रभात तमाङले चुनौती दिएका छन् । 
बिनियोजन बिधेयक माथिको छलफलको क्रममा उनले विशिष्ट व्यक्तिको भ्रमण खर्च उपशिर्षक, प्रतिनिधि मण्डलको भ्रमण खर्च उपशीर्षक र अर्थ विविध शीर्षकमा विभिन्न योजनाको नाम र रकम राखेको भन्दै औचित्य पुष्टि गर्न आर्थिक मामिला तथा योजना मन्त्री कैलाश ढुंगेललाई चुनौती दिएका हुन् । 
प्रमुख प्रतिपक्ष दल नेपाली कांग्रेसका सांसद तमाङले  मन्त्री ढुंगेललाई विनियोजित बजेट रकम ९ अर्ब ८० करोड ७९ लाख रकम सरकारको आर्थिक संकेत उपशीर्षक नम्बर ६०२०००११ विशिष्ट व्यक्तिको भ्रमण खर्च र ६०२०००१२ प्रतिनिधि मण्डलको भ्रमण खर्च शीर्षक रहेको र यो उपशीर्षकबाट विनियोजित भिमफेदी कुलेखानी सुरूङमार्ग लगायतका ठुला आयोजनाहरु हजूवा तालमा ल्याएको र यसको औचित्य पुष्टि गर्न चुनौती दिंदै पुरक प्रश्न राखेका थिए । 
उनले अर्थ विविध शीर्षक अन्तर्गत विनियोजन बजेट पुरै गलत भएको भन्दै ठीक छ भनि पुस्टि गर्न आर्थिक मामिला तथा योजनामन्त्री ढुंगेल र मुख्यमन्त्री डोरमणी पौडेललाई प्रश्न गरेका थिए । तर आर्थिक मामिला मन्त्री र मुख्यमन्त्रीले प्रश्नको जबाफ दिन नसकेपछि साैसद तमाङले पुनः सभमुखसंग समय मागेर गलत तारिकाबाट आएको बजेट शीर्षकको पुष्टि नगरी पारित गर्दा ९ अर्ब ३८ करोड ७९ लाख नमिलने देखिने हुँदा जनता र सांसदलाई गुमराहमा राखेर हुबहु बजेट पारित गरिनु हून्न भन्ने प्रश्नमा राखेका थिए । तर सभामुख सानुकुमार श्रेष्ठले प्रश्न माथी पुनः प्रश्न गर्न नमिल्ने बताएका थिए ।
तमाङले यो आर्थिक ऐेन विपरीत हुने गरि आएको बजेट यहि ढंगले खर्च गरे आर्थिक अनुशासन उल्लंघन हुने र सरकार नीतिगत भ्रष्टाचारमा जुटेको प्रष्ट हुने प्रतिक्रिया दिए ।