मकवानपुरका प्रहरी उपरीक्षक राठौरले हटाए 'घुमुवा प्रहरी’

२८ असार, हेटौंडा । जिल्ला प्रहरी कार्यालयले सादा पोशाकका प्रहरी परिचालन रोकेको छ । 'घुमुवा प्रहरी’ भनेर चिनिने सादा पोशाकका प्रहरी परिचालन रोकेको हो । 

मकवानपुरमा एकसातादेखि घुमुवा प्रहरी परिचालन रोकिएको प्रहरी उपरीक्षक सुशिलसिंह राठौरले बताए । ’गुनासो र आलोचना आउने भएकोले अहिले साता पोशाकमा प्रहरी परिचालन बन्द गरिएको छ।’–उनले भने । मकवानपुर प्रहरीले हरेक ठूला घटनाको अनुसन्धानका र सानो घटनाको  अनुसन्धानका लागि  ३ सदस्य प्रहरी अधिकृतको टिम गठन गर्ने रणनीति अघि बढाएको राठौरले जानकारी दिए ।सूचना संकलन गरि अपराध नियन्त्रणमा सहयोग पुग्ने उद्धेश्यले घुमुवा प्रहरी परिचालन गर्ने गरिएको हुन्छ । सादा पोशाकका अधिकांश प्रहरीले राम्रो काम गरेको भएतापनि एक दुईजनाको आलोचनाले सम्पुर्ण टिमप्रति हेर्ने नजर गलत रहने हुदा सादा पोशाकका प्रहरी हटाइएको जनाएका छन । 

तर कतिपय अवस्थामा घुमुवा प्रहरी नै रकम असुली, लगायतका गलत काममा संलग्नताको आरोप लाग्ने गरेको छ भने कतिपय अवस्था त्यस्तो पाइएको छ । त्यसैगरी उनले उत्कृष्ट काम गर्ने प्रहरी कर्मचारीलाई पुरस्कृत गरिने बताए । प्रहरी उपरीक्षक राठौँरले लामो समय एक ठाउँमा बस्दा प्रहरीहरु लोभमा पर्ने सक्ने र रकम असुली लगायतका गलत काममा संलग्न हुन भएकोले लामो समय एकै ठाउँमा रहेका प्रहरीलाई जिल्ला भित्र सरुवा गरिने समेत बताए । मकवानपुर प्रहरी प्रमुखको यस कदमले पक्केै पटक पटक घुमुवा प्रहरीबाट आउने गरेको गुनासोलाई समाधान गर्दै अपराध,अनुसन्धान र शन्ति सुरक्षा कायम गर्न थप सहयोग मिल्ने छ ।