मकवानपुर प्रहरी भन्छः तपाइको माक्स खोई?नलगाई नहिडौँ कोही

६ साउन,हेटौँडा । सरकारले कोरोना रोकथामकालागि घर बाहिर आवतजावत गर्दा अनिवार्य माक्स लगाउन भनेको छ । सरकारको अनुरोधलाई वेवास्ता गदैै मानिसहरु सवारीसाधन चलाउदा वा पैदल यात्रामा रहदा माक्स नलगाई हिडने क्रम बढेको छ ।बागमती प्रदेशको राजधानी हेटौँडामा माक्सको प्रयोग गर्नेको संख्यामा कमी आएपछि मकवानपुर प्रहरीले पदैलयात्री र सर्वसाधरणलाई बाटोमै पुगेर माक्स लगाइदिएको छ । 

माक्स नलगाई हिड्नेको संख्यामा वृद्धि भएपछि मंगलबार मकवानपुर प्रहरीले तपाइको माक्स खोई?“अनिवार्य रूपमा माक्सको प्रयोग गरौं”,“अनावश्यक रूपमा भिडभाड नगरौं”,“सामाजिक दुरी कायम गरौं”,“कोरोना हटाउन आजै देखी सामुहिक रूपमा लागौं”भन्ने नारा अंकित प्लेकार्ड सहित जिल्ला प्रहरी कार्यालय परिसरबाट हेटौँडाको मुख्य चोक बुद्धचोकमा सन्देशमुलक -याली निकालेको छ ।जिल्ला प्रहरी कार्यालय मकवानपुरका प्रहरी नायव उपरीक्षक ईन्द्र बहादुर रानाको नेतृत्वमा रहेको प्रहरीले टोलिले नमस्कार गर्दै बजारमा माक्स नलगाएका मोटरसाइकल, स्कुटर र अन्य सवारी चालक र यात्रुलाई  तपाइको माक्स खोई? नलगाई जथाभावी नहिडौँ कोही भन्दै माक्स लगाइदिएका हुन।त्यसैगरी माक्स नलगाएकाहरूलाई माक्स लगाउन अनुरोध गर्दै माक्स वितरण समेत गरिएको थियो  । 
स्कुटर र अन्य सवारी चालक र यात्रुलाई माक्स भएर पनि नलगाएकालाई माक्स  लगाउन अनुरोध गर्दै र माक्स नभएकालाई तपाइको माक्स खोई ,जथाभावी नहिडौँ कोही भन्दै माक्स लगाइदिएको मकवानपुरका प्रहरी नायव उपरीक्षक ईन्द्र  बहादुर रानाले भने ।उक्त कार्यक्रममा वडा प्रहरी कार्यालय हेटौँडाका प्रहरी निरीक्षक ईश्वरी प्रसाद भण्डारी, प्रहरी निरीक्षक सुजन पाठक सहित प्रहरीकर्मचारीको सहभागित रहेको थियो ।