विकास निर्माणमा बागमती प्रदेशको छलाङ्गः ३२ पुलको एकैदिन उदघाटन

दुवाखोल पुलको फोनमार्फत ठेकेदार र जनप्रतिनिधीलाई उदघाटन भएको जानकारी गराउदै मुख्यमन्त्री पौडेल

७ साउन,हेटौँडा । विकास निर्माण मा बागमती प्रदेश सरकारले छलाङ्ग मार्न सफल भएको छ । प्रदेश सरकारले दुईवर्ष भित्रमा निर्माण गरेको ३२ वटा पुलको बुधबार एक समारोका बिच उदघाटन गरेको छ । 

मकवानपुरको कैलाश गाँउपालिकामा निर्माण गरीएको दुवाखोल पुल सहित प्रदेशका विभिन्न निर्माण सम्पन्न भएका ३२ वटा पुलको बुधबार भौतिक पूर्वाधार तथा विकास मन्त्रालयमा आयोजित एक कार्यक्रकाबिच  बागमती प्रदेशका मुख्यमन्त्री डोरमणी पौडेलले सामुहिक रुपमा उदघाटन गरेका हुन । 

पौलेलले मकवानपुरको कैलाश गाँउपालिकामा २ करोड ५१ लाख ७३ हजारमा २०७५ असारमा निर्माण सम्झौता भई २०७६ असारमा निर्माण सम्पन्न भएको दुवाखोल पुल सहित प्रदेशका विभिन्न जिल्लामा निर्माण  सम्पन्न भएका ३२ वटा पुलको एकैपटक उदघाटन गरेका छन  । 

कार्यक्रममा बोल्दै प्रमुख अतिथि मुख्यमन्त्री पौडेलले बागमती प्रदेश सरकारले विकास निर्माण कार्यलाई प्राथमिकता दिएर अघी बढेको बताए । त्यसैगरी कार्यक्रममा बोल्दै भौतिक बागमती प्रदेश सरकार भौतिक  योजना तथा विकास मन्त्री रामेश्वर फुँयालले रसुवा बाहेक प्रदेशका सबै जिल्लामा पुलहरु निर्माण सम्पन्न भएको उल्लेख गरे । उदघाटन कार्यक्रममा बागमती प्रदेश सरकार भौतिक पूर्वाधार तथा विकास मन्त्रालय यातायात पूर्वाधार निर्देशनालयका निमित्त  निदेशक सहदेव बहादुर भण्डारीले बागमती प्रदेश सरकारको स्थापना पश्चात बागमती प्रदेशको काठमाडौँ मा एउटा, ललितपुरमा ५ वटा ,भक्तपुरमा एउटा, काभ्रेमा ५ वटा, सिन्धुपाल्चोकमा ५ वटा, दोलखामा ३ वटा,चितवनमा ३ वटा, मकवानपुरमा २ वटा, नुवाकोटमा ३ वटा, धादिङ्ग, सिन्धुली र रामेछापमा एक।एक वटा पुल निर्माण सम्पन्न भइसकेको बताएका छन   ।