कांग्रेस नेता न्यौपानेको जस्ता र नगद सहयोग

१० साउन,हेटौँडा। कांग्रेस मकवानपुरका नेता शंकर न्यौपानेले जस्ता तथा खानेपानी आयोजनाकोलागि नगद सहयोग गरेका छन्। 

उनले आर्थिक अभावमा रहेका मनहरी–९ रजैयाका नवराज खतिवडाको घर छाउनका लागि नगद २१ हजार र मनहरी–५ मा बसन्तपुरमा रहेको बाउन्नेखोला खानेपानी उपभोक्ता समितिलाई मर्मत सम्भारको लागि १५ हजार रुपैयाँ सहयोग गरिएका हुन। खतिवडाको घरका लागि जस्ता खरिद् गर्न न्यौपानेले १५ हजार, मनहरी गाउँपालिका–९ नम्बर वडा सभापति राजकुमार श्रेष्ठले ५ हजार र मनहरी गाउँपालिका सभापति नारायण उप्रेतीले एकहजार रुपैयाँ सहयोग गरेका थिए । आर्थिक अभावमा घर छाउन नपाएका  खतिवडाले सहयोगी नेताको साथ पाएकोमा खुसी व्यक्त गरेका छन् । 

यस्तै कांग्रेस नेता न्यौपानेले खानेपानी उपभोक्ता समितिका अध्यक्ष रामबहादुर बिष्टलाई बाढीले बिगारेको योजना मर्मतका लागि भन्दै नगद १२ हजार ५ सय रुपैयाँ हस्तान्तरण गरेका हुन् । गत स्थानीय निर्वाचमा कांग्रेसको तर्फबाट मनहरी गाउँपालिका अध्यक्षको उम्मेदवार समेत रहेका न्यौपानेले जनताको सुखदुःखमा कांग्रेस सदैव साथै रहेको बताए।'जनताको पीरमर्कामा संगै रहन्छु भनेर कसम खाएका हौं । अप्ठेरो परेको ठाउँमा व्यक्तिगत रुपमा हामीले सकेको सहयोग गर्ने नै छौं । पार्टीले पनि गरिरहेकै छ’, उनले भने । रकम हस्तान्तरण कार्यक्रममा कांग्रेसका जिल्ला सदस्य नवराज उप्रेती,क्षेत्रीय उपसभापति नुरज पौडेल,मनहरी गाउँपालिका सभापति नारायण उप्रेती,आदिवासी जनजाति संघ मनहरी सभापति भिमसेन लामा, कांग्रेस पूर्व जिल्ला सदस्य सिताराम अर्याल,वडा सभापति राजकुमार श्रेष्ठलगायतको उपस्थिती रहेको  थियो ।