बागमती प्रदेश प्रहरी प्रमुख लामाले गरे मातहतका प्रहरी कार्यालयसँग कार्य सम्पादन करार सम्झौता

मकवानपुर प्रहरी प्रमुख सुशिल सिंह राठौँरसँग कार्य सम्पादन करार सम्झौता गर्दै डिआईजि लामा

११ साउन,हेटौँडा । बागमती प्रदेश प्रहरी कार्यालय हेटौँडाले प्रदेश प्रहरी स्तरिय कार्य संञ्चालन समिक्षा तथा आगामी कार्यनिती सम्बन्धी छलफल कार्यक्रम गरेको छ ।विभिन्न चरणमा प्रदेश प्रहरी कार्यालयले मातहतका १० जिल्लाका प्रहरी कार्यालयहरुको कार्य संचालन सम्बन्धी जानकारी र मातहतका कार्यालयहरुको समस्या,चुनौतीका साथै अपेक्षाहरुको बारेमा जानकारी लिन र प्रदेश प्रहरी कार्यालयको मातहतका रहेका प्रहरी कार्यालयका प्रमुख वीच छलफल एवं कार्य सम्पादन करार सम्झौता कार्यक्रम सम्पन्न गरेको हो । 

बागमती प्रदेशका आन्तरिक मामिला तथा कानुन मन्त्री शालिकराम जम्कट्टेलको प्रमुख आतिथ्यता तथा आन्तरिक मामिला तथा कानुन मन्त्रालयका सचिव बिनोद प्रकाश सिंहको आतिथ्यतामा बागमती प्रदेश प्रहरी कार्यालयले कार्यनिती सम्बन्धी छलफल कार्यक्रम सम्पन्न भएको हो ।कार्यक्रम मार्फत बागमती प्रदेश प्रहरी प्रमुख प्रहरी नायव महानिरीक्षक बसन्त कुमार लामाले प्रदेश ट्राफिक प्रहरी कार्यालय रामनगर, जिल्ला प्रहरी कार्यालय मकवानपुर,चितवन, धादिङ, नुवाकोट, रसुवा ,काभ्रे, सिन्धुपाल्चोक, सिन्धुली, रामेछाप र दोलखाका प्रहरी प्रमुखसँग र बागमती प्रदेश प्रहरी तालिम केन्द्र दुधौली सिन्धुली, बागमती प्रदेश प्रहरी दंगा नियन्त्रण प्रहरी गण हेटौंडा र बागमती प्रदेश सशस्त्र प्रहरी गण मुख्यालय हेटौँडा,रातोमाटेसंग कार्य सम्पादन करार सम्झौता गरेका हुन ।योसँगै बागमती प्रदेश प्रहरी कार्यालयले मताहताका १४ वटा प्रहरी कार्यालयसँग कार्य सम्पादन सम्झौता गरेको हो ।