कम्युनष्टिले जनतालाई धोका दियो: बानियाँ

१३ साउन, हेटौंडा । नेपाली कांग्रेस बागमती प्रदेश संसदीय दलका नेता एवं मकवानपुर सभापति इन्द्रबहादुर बानियाँले कम्युनिष्ट पार्टीले जनतालाई धोका दिएको बताएका छन् । 

नेपाली कांग्रेस इन्द्रसरोबर गाउँपालिका वडा नम्बर ३ को भेलामा बोल्दै उनले जनतालाई विकास दिन्छु भनेर भोट मागेको कम्युनिष्ट पार्टीलाई जनताले विश्वास गरेपनि अहिले धोका पाएको बताए । उनले कम्युनष्टि सरकार जनताको हित गर्न भन्दा आफ्नै आन्तरिक कलह, भ्रष्टाचार र भागबण्डामा लागेर जनतालाई धोका दिएको बताए । संघीयदेखि स्थानीय तहसम्म कम्युनष्टिहरुले जितेको क्षेत्रका जनता निरास भएको भन्दै निरास जनतालाई भरोसा दिलाउने काम कांग्रेसले गरेको बताए । कांग्रेस सधैं जनताको माझमा रहेर जनताको सुख दुःखमा साथ दिईरहेको उनको भनाई थियो ।

भेलाले रजिना राना मगरको संयोजकत्वमा महिला संघ वडा कार्यसमिति गठन गरेको छ । समितिको उप–संयोजकमा जुमा लामा, सचिव लक्ष्मी गोले, सहसचिवमा सुमित्रा नगरकोटी, कोषाध्यक्षमा चिनिमाया लामा, सदस्यहरुमा कोपिला स्यांतान, साइली लामिछाने, सम्झना राना मगर, सानुकान्छी राना, विमला लामा लगायत रहेका छन् । कार्यक्रममा विभिन्न पार्टी परित्या गरी कांग्रेस प्रवेश गर्नेहरुलाई स्वागत गरिएको थियो ।

कार्यक्रममा इन्द्रसरोवर गाउँपालिका वडा नम्बर ३ का वडा अध्यक्ष जमानसिं वाईवा, २ नम्बर क्षेत्रीय संघीय सभापति यतिराज सापकोटा, महासमिति सदसय एवं इन्द्रसरोबर गाउँपालिका जिल्ला प्रतिनिधि दिनेश उपाध्याय, हेटौंडा नगर सभापति आनन्दराम पराजुली लगायतको सहभागिता रहेको थियो ।